joe's BLOG

完成

2011-09-20T17:52:00.001+08:00

很久沒update blog,沒辦法人太懶了

最近很清閒, 因為宣傳Project已做完, 沒什麼大job在手, 不過都唔可以比同事知道我有幾得閒 XD, 得閒的時候惟有公器私用, 幫姐姐執相及做結婚Artwork, 80+張結婚相fine tune + invitation card + Logo + catalog 已經完成, 很開心總算了結呢件事, 因為唔洗再為呢壇野著火係好幸福的事.... (汗)

Lone Goodbye, My Colleague :(

2011-05-18T02:13:00.000+08:00

5月10日終於要在做了差不多5年的方向公司說再見了，在這個年齡真的要開始為自己打算，雖然真的很不捨得一班摯愛的同事，但為了自己的future，不捨得也要離開了！

同事們，希望日後再有機會和大家共事吧！我愛你們，也祝福你們每天都快快樂樂！小弟先行徹退了。:(

志海，真的很捨不得你，因為你在方向時真的對我很好，能夠跟你共事多年我真的很開心，希望你也是一樣吧！:)

iPhone 4 White

2011-05-07T02:51:00.000+08:00

呢個entry唔係想講我已經買左iPhone 4 白色，而係想講apple store幾時先有白色上架呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!(咆哮~~)

等咗好耐都重係coming soon..... =皿=

1/2世紀的沉悶

2011-04-25T02:44:00.000+08:00

因為4年前學友光年演唱會的精彩，所以今次也抱幾大的期望去欣賞這次的1/2世紀演唱會，又是老調牙的說話，希望越大失望越大，不是說今次的演唱會很差，而是這次的rundown實在有點悶，雖然自己也是屬於80後的，但前半部百老匯歌舞式所唱的jazz style國語歌真的一首也不認識，而且表演方式也有點舊，自己努力地想以他的手法來陶醉表演當中也不成功 XD，但學友，歌是唱得很好的！一個將近50歲的男人在表演中又跳又唱又一字碼，以他的神級歌手地位，今時今日也不用身水身汗去做這些去取悅觀眾吧，但是他做了，而且很精彩，對於學友的專業及表演，我真的看得心悅誠服，或者我覺得的「悶」位，是我自己在挑骨頭吧！:)

Happy Birthday

2011-04-22T03:18:00.001+08:00

原來別人快樂自己也會很快樂，跟bubu苦思了的計劃成功了吧 :)

內在感情是扮不到的，相信你也是真的很surprise及開心，

這也是我們的目的，也希望你每一年也開心下去，

Happy Birthday Otto！

Its a nice day

2011-04-19T01:35:00.000+08:00

兩杯咖啡，一間很多人流的咖啡室，跟朋友互相打開自己內心去傾計傾足兩個小時，在現在的生活上邊，很久沒試過，簡單，但很開心。

波仔

2011-04-01T03:52:00.000+08:00

因為sharon一句「佢都有心吖，朋友之間冇話爭唔爭」我又開始諗返起呢個曾經同我好好既朋友。

唔同波仔聯絡 / 見面 / 食飯 / 玩唔係因為我憎佢定點，坦白我真係冇憎佢，我只係唔順氣佢既脾氣及性格，點解要將呢d脾性轉發到朋友身上呢？點解唔可以坦誠少少去對待佢既朋友呢？其實我真係好想同佢講清楚佢衰咩，不過我知係冇用既，以佢性格係唔會聽入耳，相反會覺得我地唔啱，shimi同小天都曾經同佢傾過啦，結果？都係一樣囉。

波仔同我性格，以及睇既野玩既野諗既野其實好唔同，但我地以前行埋一齊就真係幾啱key，不過都係過去既事，如果我喺呢間公司都resign埋，我同佢應該可以話係唔會聯絡了...

朋友間的相處同維繫係唔係真係咁難嗎？

My iPhone has let me......

2011-03-31T03:58:00.000+08:00

越窮越見鬼.......又一部電話離我而去了，只怪我自己唔小心 (多得朋友remind我係第3部.. fxxk!!!)
好唔開心呀呀呀呀 >///<

20年的苦盡甘來 - 張智霖我係外星人

2011-03-28T03:35:00.001+08:00

昨晚去看了張智霖尾場的演唱會，如果不喜歡及不熟悉CHI LAM的歌的人，一定會覺得這SHOW很一般，不過我覺得整晚的演唱會還是不錯的，整晚演唱會也包含了很多愛，尤其是說到兒子的那一部份，真的很窩心 :)

最想不到是嘉賓陣容很強，除了早已料到的郭富城外，還有張栢芝！！！張栢芝真的很靚！不過歌喉依舊很差，還有整晚高潮就是久違了的許秋怡合唱現代愛情故事，不知道是不是許秋怡很久沒在香港唱歌還是登大陸台太多，唱腔老土到不行！每一句歌詞也要震音，老土加難頂 (汗)，好彩只是唱一首，再唱多一首我怕我支持不住了 XD

TRACKLIST
01 少一天都太短
02 瘋了吧（想我嗎？）
03 黑色誘惑
04 巨星之路
05 妳太善良
06 愛情已死
07 別要我放棄
08 究竟海有幾深
09 相愛無夢
10 怎會如此
11 一生豪情一次
12 笑中有淚
13 分開了，仍覺溫暖
14 對你愛不完 (郭富城合唱)
15 狂野之城 (郭富城)
16 天梯
17 淘汰
18 想你
19 我不在乎
20 Get Together
21 孩子先生
22 曾經不知你好
23 多謝關心 (張柏芝合唱)
24 新不了情
25 如此這般想你
26 未婚妻
27 骨膠原
28 反斗奇兵
29 我也喜歡你
31 戀上外星人
32 現代愛情故事 (許秋怡合唱)
33 分分鐘需要你 (張慕童)
34 祝君好

很多朋友也問我為什麼會去看CHI LAM的演唱會，又有一些朋友覺得他很過時很老土，也有同事說我無謂買飛入場，其實識我很久的朋友一定會知道，我讀書時代是很喜歡CHI LAM及他的歌的，他的唱片我也有買齊，除了周慧敏外CHI LAM可說是我當年第二位偶像呀(爆)，有時一些情意結，你們是不會明白的啦 XD

團購

2011-03-20T01:55:00.000+08:00

跟相熟的JPOP朋友組成了每月的HMV團購活動，原來在日本HMV訂唱片係好抵架！

1月初訂的已到手，敗了三枚Blu-ray盤(今個月又要慳錢了...)，每隻加起來總數共平了200多300元！

可惜的是.....我還沒有Blu-ray機 XD

pray for japan

2011-03-19T00:09:00.000+08:00

2011.3.18

日本核危機已升至第5級.............Orz....

PRAY FOR JAPAN

天災

2011-03-13T19:38:00.000+08:00

3月11日，下午2時

日本仙台、福島發生8.9級大地震

新聞流出時我正在公司的canteen吃飯中，坦白說，知道這消息時真的寒了一寒，心情也很沉重，再看那些恐怖猶如在拍科幻電影的新聞片段，實在萬料不到，這活生生的情境竟是一個黑色的真實.....當晚facebook news feed瞬間被日本地震的新聞洗版，也是多得朋友的分享，令我得知日本震區的最新情況。

跟朋友談起此事，友人阿非卻跟我說，facebook的人post那麼多片段出有如看連續劇，此舉擺明是刻意要別人注視他的post及status，我想講的是，當時我是有點嬲，你不關心是你的事，別人post新聞出來也是想大家知道到底是什麼一回事，你覺得別人是在故意post出來是引人注意，那麼也請你別玩facebook了，因為每個人在facebook留的每一個status及相片也是引人注意的，包括你在內，不要說得那麼瀟洒，如果災難發生在香港，你口裡還吐得出那些言論？

此刻，只希望世界再沒災難，再沒黑暗

日本地震的傷亡者，Rest In Peace

2011.03.13

19:37pm

initial的迷魂香薰

2011-03-09T03:32:00.000+08:00

越來越愛initial這個牌子，愛他們的仔細cutting、愛他們的英倫日本style、愛店子裡那種peach味道香薰；initial每年兩季的減價實在很吸引(可是衣料還是一般)，今天又被他們的引誘下放低了金錢了 =p

不過還是那一句，initial不做減價我是絕不會幫襯他們的，因為正貸價錢實在是貴得離譜......

Precious Memory

2011-02-26T04:16:00.000+08:00

今日跟好耐冇見的朋友Zxxxl見面(不想開名..怕呢個blog會被搵到)，其實我好怕邀請及面對呢個飯局，因為我真係驚冇野講，而且好怕答Zxxxl一啲似是而非嘅問題，但冇辦法，因為佢真係幫咗我一個好大嘅忙，呢一餐飯一定要請的！(講口齒的嘛 :) )
不過今晚呢個飯局唔知點解我覺得幾愉快，可能大家真係冇見好耐，大家都有好多野要分享，雖然有啲話題你依然令我語塞(及唔想理你)，不過已經比以前嘅你平易近人咗好多(我係開心的)。

Zxxxl，其實你係一個好人，不過有時你真係要放低好多自己一啲怪觀念怪性格，可能我唔了解你(先覺得你怪)，講真，識你果時我真係當你係好朋友，奈何你有好多野做比我睇係會令我反感，亦因為某啲事而令我真係決定唔想再搵你，不過呢D都係好耐之前嘅事，無謂諗啦，不過，今次真係好多謝你幫我忙，我諗我冇咩朋友會花精神及四日時間長開電腦同我Run一個將近半死的HD，到最後可以完整無缺地復原！thanks man！

最後，真心的，祝你愉快！

my old friend

心情緊張

2011-02-25T02:21:00.000+08:00

前日敗了陳奕迅，今天又敗在ringo手上！歌舞妓町女王好聽！single要買啦 :)

今日收到一個好開心而又久違了的_______電話，好緊張！緊張到唔敢公司講得咁大聲！
下星期二就要______了，你地可以祝福我嗎？

緊張持續中------------------

懶性

2011-02-21T01:54:00.000+08:00

今日星期日放假，真係真真正正喺屋企休息，新年前 / 新年 / 新年後都好像沒停過，不過，沒事幹的星期日我真係過得好廢，天氣凍訓到中午，睇吓電視翻叮餃子嚟食(街都唔想落)，執吓房無無聊聊地好快又6,7點........WTF!!!!!!!!!! 時間有冇過得咁快....

家姐同埋未來姐夫T氏返屋企，T氏踏入門口又係同我講果兩句說話....

T氏 : 咦？啱啱起身呀？

我 : 吓..........唔係呀....(6點你問我係唔係剛剛起身我唔識答你lor....)

T氏 :你個樣好攰喎，好眼訓呀？

我 : 吓？你咁問我唔識答你..... (你都痴嘅，次次見親我都話我攰，唔通我set行個頭喺屋企等你咩....)

好悶，次次見到我都係講呢兩句野，你覺唔覺得煩呢？xxxx 我覺呀!!!~_______~

夜晚睇到心有靈犀，講到港女覺得香港男仔嘅缺點...

1)懶，冇上進心

2)冇自信

3)唔細心

4) 脾氣壞(下刪幾項....)

慘......中咗幾樣@口@!!!!!!!!!!!!!

我認我係懶人的，但我唔認自己冇上進心，識我嘅人都會知我做野時好上手及一係唔做，一做就會做好佢，不過的確，我係一個冇自信嘅人........脾氣亦真係唔好(我同事話做design嘅9個都係脾氣差喎(汗):P，不過我可是一個細心的人，跟我做朋友及情人都唔錯的(汗笑)

係時間要令自己做得更好了....

整夜也loop着有故事的人

我承認我曾是看不起你的人群中的其中一個，不過日子耐了看得出，歌做得好、唱得好最終也會有人欣賞的，係時候要放下偏見去(欣賞)認識別人......

加油吧鄭欣宜~

WOMAN POWER！WONDER WOMAN！

2011-02-19T02:26:00.000+08:00

!!!!!!!!!!!!!!!!!!!!!!!!!!!!!!!!!!!!!!!!!!!!!

安室今年最破格的工作就係要同日本14組唔同的音樂單位合唱！

首推的WONDER WOMAN PV終於出嚟啦!!!!! 歌本身唔錯，雖然個PV10級普通，不過3個女人都超型！(土屋ANNA型！安室型！連一向都幾鍾意嘅AI都型 XD)

來吧！來被WOMAN POWER征服吧！XD (汗)

↑成個PV最吸引我就係安室撥頭髮呢一吓~~XDDD

拆利是

2011-02-19T00:31:00.000+08:00

去拆利是了！！！！！
習慣正月15(或之前)就會拆利是(開心~~)，不過今年過了16先記得！！
結算了！！！
同上年一樣都係$1,6XX......
希望下年可以超越呢個數啦！XD

是日春茗

2011-02-18T03:58:00.000+08:00

其實我公司是沒有春茗這回事的(孤寒公司依舊弧寒作風)，我們吃的是我們design team自己人的春茗！今年選址沙田季季紅酒家，不過很不明白春茗飯套餐竟然有壽包(汗XD)，還有那個馳名的(廣告說...)乳豬糯米飯味道很一般 XD，其他菜式麻........普普通通啦.....(我覺得壽包味道是當晚頭幾位啦)...XD

多謝你每一年新年也出錢請我們吃春茗飯局！每一年也有開工利是！一個很好的阿head！多謝你阿茄！:)

--------------------------------------------------------------------------------------

嘩嘩嘩！！！COVER及TRACK LIST已經出了！！！其實內容很吸引！因為一直都很想安室出COLLABORATION ALBUM，可能拖得太耐熱情冷了，不過看了TRACK LIST及PV PREVIEW突然之間期望又返回來！！！

第一次覺得安室的CD+DVD ver cover比CD版美 XDD，不過我喜歡CD版的棋子ANGLE多一點，DVD版的太平面了，還有的就是.....那個ALBUM TITLE的FONTS很醜.........(汗)

ILLUSTRATION

2011-02-17T00:50:00.002+08:00

又到新一年了！人太懶,,,懶到連一篇entry也不想寫(汗)，四天的新年假好快就完結，新年的事也沒記下就要返工,,,,,,,,(苦~~)
返工後又要趕着新一輪的美術改版，悶到XXXXXX

很久沒有因為改版要為版面繪圖，基本上連AI也生疏了！
昨天畫的girl beauty graphic肢體好像有點問題......
(似鳳爪嗎？XDDDDDD)

小插曲

2011-01-15T03:31:00.000+08:00

其實喺post呢張圖之前，其實係用第二張graphic的，不過當我post去album時收到你sms，心諗：「都係唔好用呢張了。」因為我硬覺得果張圖會令你不開心，不過其實用邊一張相都好，都係想同你講聲↓

HAPPY BIRTHDAY to FREY

P.S 踏入2011年，好多都想記低在這，不過總是老調子，人懶不想幹，明天要挑走懶根寫低回顧過去一年大事的entry :P

Happy 2011

2011-01-01T02:24:00.000+08:00

Happy New Year 2011!

新一年希望比舊一年好！有很多計劃及願望想在新一年實行，

大家給我力量吧，在看的朋友也要一起加油哦！

西野カナ

2010-12-04T02:40:00.000+08:00

最近很喜歡西野カナ，幾乎会いたくて会いたくて每天也在聽！(接近上腦吧！)，休至瘋狂地買回她對上幾張single回家狂loop XDDD

歌唱得不錯，形象也是日本女生喜歡的涉谷可愛妹妹型，手機配信也是女歌手之王，她(有可能)是步姐之後，未來日本藝能界一位耀眼的歌姬(希望)。

劉醒與排骨

2010-11-16T02:52:00.000+08:00

今晚在看義海豪情劉醒與排骨的一場兄弟戲，看得很令人感動，世上仍有那麼為人設想的人嗎？真的還有懷著義不容辭的心的朋友嗎？我也想自己身邊也存在這些兄弟友情，人大了這些友情似乎離已我很遠。

我也許沒有排骨那份情義，但也渴望當劉醒，擁有那共患難的友情。

Mckey @ Bossini Hong Kong

2010-11-14T16:47:00.000+08:00

驚見！

Mckey竟然出現在香港的廣告上！而且是Bossini！！！

Mckey是american next top model第11季的winner！亦是第11季我最喜歡的model！她的身材比例好，在當年參賽拍的照片甚有high fashion的味道，不過樣子老成也是我覺得她當model的障礙。

不過Mckey為Bossini拍相片非常不討好，始終Bossini的image實在太老土，如果G2000找她拍廣告我會比較開心.........

天氣

2010-11-13T02:49:00.000+08:00

喉嚨乾涸得很，飲幾多水都係一樣......
冬天好似就快要到，所以最近天氣好差，乾燥到不得了(包括自己的生活)，屋企兩位女仕都相繼病倒，喺一屋密屋空氣極唔流通的情況之下.............我相信我已經比佢地嘅病菌傳染..........中招了!!

shit!!!!!!!!!!!!!!!!!!!!!!!!!!!!!!!!

Goodbye Happiness

2010-11-09T18:59:00.001+08:00

Hikki無限期暫休之前的新曲Goodbye Happiness，pv終於有得睇！！！！！
(wowowowowowowowowow~~~~~~~~~~~)

↑Automatic XD

↑Boku wa Kuma/

U TUBE = UTADA TUBE CHANNEL，完全是Hikki的crazy作風 :D
Hikki今次踩界為PV做監督！而且我很喜歡今次的新曲！而且PV更加是我事前沒想到的驚喜，一take過冇NG、冇剪接(我估)、gimmick滿分！Hikki細心到加插了很多經典，黃色梳化、disco ball、kuma頭玩盡Automatic、travelling 、Boku wa Kuma，看得很開心！

Hikki...........我超唔捨得你唔再唱 .....

平淡

2010-11-07T23:16:00.000+08:00

有時很想把每一天的事都記在這裡，但我每日的生活也沒有那麼有趣，那麼多逸事可記，生活就是那麼平淡，是人大了嘛(才XX而已! 汗)？總覺得沒有10多20歲是那麼多姿多彩 (但我仍愛玩仍愛低能呀) 吧！(爆)

10月23日

一家人去了看草蜢的演唱會，我根本不熱衷(沒有興趣啦)的，他們問要不要買我的票時我很快就一口拒絕，不過最後會說「我買咗你飛喎！」(爆)

25周年一早預了又是炒冷飯唱陳年歌，但殊不知這次是返唱其他人的歌，唱得一般啦!!!!，我情願聽他們那些我熟到不行的失戀、忘情森巴舞.......(呵欠)............

還有的是！我的坐位是對正speaker的！整晚也覺得很嘈！！！！(好在沒有耳鳴....)

10月26日

跟shinmi、非及他的女朋友angela去東海吃了今年第一次的大閘蟹，$8xx的4人餐，有6至7道菜(好像有...)，不過大閘蟹味道一般啦，不及往年在鴻星吃過的那麼好，而且吃完整餐沒有一道菜很深刻，也不飽肚的！(汗)

10月30日

這天收到阿非的一段offline message，他很少會對我說這些朋友間那麼坦白的說話，我看完後也想，我是不是應該在自己的性格上再open一點？(也許我太內向了吧!)

11月6日

SEND了個SMS給OTTO，祝他的___訪問順利，誰知我攪錯了時間，「唔係今日喎？尋日做完啦」(爆)
(FACEBOOK的消息不能信的 XD)

曠工(!?)

2010-11-06T02:21:00.000+08:00

人事部彈紙喎，話我曠工一日喎，真係有病，明明調咗假出入公司過閘唔係有RECORD架咩？唔通你地D電腦shot嘅？保安咁嚴密(懶係)都冇入閘紀錄，你話你係唔係廢丫！

btw，話說我公司返工遲到係要補鐘嘅，即係你遲一分鐘就要放工補返一分鐘比佢，我呢d成日都遲成個鐘往往都反而早走成兩個字，以為月尾一定比人事部highlight我D時間，點知成個月都只係超出19分鐘！爽 XD

11月蜜柑

2010-11-03T02:29:00.000+08:00

好耐冇打Blog，幾乎連一篇entry也懶得去打，其實有好多嘢想記落嚟........

自夏天水蜜桃季節過去，11月又有當造的甜蜜柑賣了！

前日買了一袋24蚊，超甜無核佐賀蜜柑！！！

爽呀~~~~~yayayayaya

Man's Birthday Dinner at Pizza Express

2010-10-25T00:09:00.000+08:00

我跟阿蚊是讀設計時的同學，畢業後大家都在同一間公司工作了三年，之後我轉到另一公司工作後，大家見面的時間少了，聯絡也不多，不過大家仍然keep到朋友的關係，畢竟大家都識了12年嘛，但其實gathering也是近兩年才比較多。

上星期是阿蚊xx歲的生日(敏感數字)，不過因為大家都夾不到時間，所以要約到上星期五才跟她吃到補祝的生日飯，一行三人(包括psyche)去了尖少咀的pizza express開餐。

今次是我第二次到這裡吃dinner，可能是weekend的關係，一進門就覺得很嘈吵，沒辦法吧！

今次我們想試多一點東西，所以點了4款食物(三人吃四款呀!!!!!)，包括一款前菜、小食及兩款主菜。

↓前菜的蜜糖雞肉沙律，蜜糖味雞肉超級好味！！還有我最愛的火箭菜！

↓上次試完覺得好味，今次決定再來的焗磨菇，

其實我食得最多的不是磨菇而是附近的dough balls (XD)

↓非常一般的海鮮薄餅，蕃茄味超低，海鮮味一點也不鮮，

如果要我在OPENRICE評分，相信也相當低分。

↓意式肉丸蝴蝶粉，我唔太喜歡白汁的食物，

因為我怕「蘇」，不過這個意粉味道不錯！

基本上吃完後大家都不想轉地方吃甜品，索性甜品也在這裡吃，估不到的是這裡的甜品也相當不錯！特別是朱古力蛋糕！！！！！

↓朱古力蛋糕配vanila ice cream！！！！

蛋糕會配暖朱古力漿的！！！！好好味呀！！！！！！

↓杏桃撻其實也相當不錯，牛油味很香，那當然，

有朱古力蛋糕在前，當場跌watt了！

另外不得不提是，我們結帳後發覺帳單有一項是什麼5元的粉紅革命款項，什麼？我們要付5元出來捐款？為什麼？？？我以為menu上的是pizza express自己捐出來，原來是從客人自己掏銀包出來捐的(基本上你不可以say no)，那為什麼落單前你不跟客人說一聲？5元不是大數目，但是無聲無息下收取了我就是有點不服氣，既然捐了我們也不打算去追究什麼，但這也是令我對這裡留下不好的印象。

LENSES

2010-10-22T01:09:00.000+08:00

Macbook嘅Lenses功能，iPHONE終於都有得玩，雖然冇Macbook果個咁多effect，不過都好爆，今日返緊工勁玩，我哋(我)真係博炒啦~~ XD

今日終於喺公司用同事部iPAD睇到GAGA 9月日本HOMMES VOGUE嘅preview版，唔好計image，d相真係好靚！！！！！而且HOMMES VOGUE行嘅style比VOGUE JAPAN更HF！連animate都唔會返呢本！得pageone先有，而且要成百幾蚊，真係貴左d，不過真係好想買，因為內頁相真係影得唔錯。

-----------------------

剛上網見到，最後了，真係最後了，官方發佈了hikki同日會推出single collection及UTADA BEST，連出日文及英文BEST，相信Hikki呢次嘅休業唔會係短時間，可能會有5年或更長時間聽唔到Hikki新歌。

Cookie Dozer Big Big ver!!

2010-10-21T03:53:00.000+08:00

早排一直都沉迷推曲奇，真係好好玩！好玩到我同埋同事一齊玩到嘢都唔想做(爆)，鬥快開鎖過關 (要強調一吓推曲奇係好玩過推金幣架！哈)，尋日同事喺apple store訂咗嘅iPAD終於到手，估唔到佢第一時間install嘅係推曲奇 XD，實地試下大scream推曲奇係咩野feel，正呀！比起iPHONE真係差得遠，起碼塊曲奇都大塊啲 XD，不過可惜部機唔識震，浪費晒.......

↑iPHONE 4 / iTOUCH 1 / iPAD 及假iPHONE 4 dummy XD，

成team人差唔多都用apple，難怪apple賺大錢了！

----------------------------------------------

我最心愛的Tee(其中)被(再次)媽媽染色.....................報銷，我媽對衣服嘅處理真係零知識.....縮水、染色、起漬(人為)統統都試過，我已經冇氣力去嬲了.........改變唔到..........對已變形的衣服節衰好了........

十月十八日

2010-10-19T01:55:00.000+08:00

今天做了有關陳啟泰一篇台灣旅遊的稿，阿茄行過我的電腦說了：
「張相戴晒超咁都唔認得佢係陳啟泰啦」(爆)

開心大發現!!!!!

一直都覺得IPHONE的YOUTUBE畫質超差，今天跟同事都發現了原來I PHONE的另一個手機版有高清功能呀!!!!還是一直存在很久呢？ (爆)

---------------------

放工去了旺角一會，目的是想買JUJU的request的，可惜間間也沒有，最後用了廿元敗了一枚ayu的next level...... (我是發了神經的啦~~啦)

---------------------

又要追劇了！tvb擺明要牽動香港人的反日情緒(?)!!!!，有排追了...

鋼鐵是怎樣煉成的

2010-10-17T20:30:00.000+08:00

很久沒聽她的歌，最近在網上聽歌她的新歌，再一次被wyman的詞征服，化蝶之後再鑄造鋼鐵，那，你們的鋼鐵又是怎樣煉成的呢？

Taste the Atmosphere

2010-10-16T03:37:00.000+08:00

>>10月15日

今天很苦悶，即使跟朋友吃完一晚美好的dinner及dessert，也消除不了悶氣，也許或是自己的情感及工作出了事(無言)。

eason推出了今年內第二張EP，坦白說，其實很失望這回又是EP，本是期待album的嘛，簡單preview過一次，雖然音樂性依然豐富，但逐漸看得出整體的平實，實在很懷念阿士匹靈、衝口而出時期的陳奕迅......

我很想要一部Blu-ray過聖誕...

2010-10-15T02:56:00.001+08:00

點解？其實我想要好耐架啦，我呢d高清人(爆)依家睇DVD都開始嫌棄.....最重要係...12月15日avex trax一次過幫安室出4隻Blu-ray碟!!!!!!! 痴線.....很想爆粗的說.......點解要一次過出呢？(雖然我都唔會買晒4隻....) ，物色定一部白色PS3先得，有得睇又可以順便打埋機，哈哈

2010.04.24 大阪‧東京 (Day 3 大阪→東京)

2010-10-14T03:27:00.002+08:00

隔咗四個月冇寫，幾乎要爛尾嘅日本之旅終於的起心肝寫Day 3了 :p

2010年4月24日星期六

一朝早就八點就要出門口，因為今日要一早坐子彈車去東京，為咗唔想浪費每一日時間，所以就買咗9:13am班次(其實都唔係早) 去東京，講返呢程車就真係貴，全程時間3個小時(同一程飛去大阪時間嘅機差唔多)，但車費(講緊單程)就要成1萬4000幾yen！！！！(←即係成千蚊港幣！！！！)，都咪話唔肉赤 XD

↑ 因為冇時間，所以喺便利店買早餐食，我哋就買咗飯團食，呢個係五目雞味。

↑ 車票 !!!!!!!

其實我出發前講過，我真係一個路痴嚟，可能同otto真係差唔多唔認得路(雖然自己去過日本6次.....) 同埋我未試過自己坐子彈車去東京，所以就算上網搵晒information我都係有啲驚，不過低能事始終要發生(XD)，因為我唔知道一張飛要穿通下一程，就喺呢個出閘時有個日本女人喺閘口搶咗我張飛，當時我唔知佢做咩要咁做，而我又拎住行季好倫盡，去到站台問返車長先知要出示車飛，慘啦!!!!!!!!!!!!原來我做咗傻仔 [ =人= ] 就係因為呢件事，我真係唔開心咗成個早上，呢件事亦令我對日本人有一刻唔好嘅印象.........

11:55am > 新宿

唉，出師不利，去到新宿又要搵西口搵咗好耐先搵到，iris介紹嘅飛鳥酒店又冇雷公咁遠，又殘又唔方便，我地去到間酒店時，個mood都即時down grade (XD)，新宿飛鳥真係冇下次囉。我哋放低行季響酒店之後，就出發到bubu想去嘅------------------------秋葉原

2:00pm > 秋葉原

其實我自己都未去過秋葉原，因為我成日覺得秋葉原只係得動漫、cosplay、涼宮春日(XD)，所以去東京咁多次都冇正式去過，今次就順便參觀吓呢片宅男嘅彈丸之地 XD 其實一到埗我嘅感覺係...........真係好宅，真係成街都係TV GAME / 女僕 / cosplay，同埋一個字-----------------逼!!!

去到秋葉原其實都唔早，係時候搵地方食lunch，原本來想食咖哩，不過真係好多人，同埋唔想搵，所以最後去咗食burger，間burger店就唔記得了，味道呢？ok啦！都新鮮過老麥嘅，一個set有salad，burger，soft drink真係算唔錯。

↑ 我冇影到相，呢個set係otto的！(我同佢個set係同一款)

↑ 我不是宅男!!!!!!!!!!!!!!!!!

↑ 我最愛！安室 / mister donut!!!

↑ 又係安室!!!! 成街都係ZERO POSTER，我都唔記得影咗幾多次了 XD

其實秋葉原冇咩好行，主要都係hea同埋陪bubu買罐頭麵，咩野係罐頭麵？得秋葉原先有架，喺類似汽水機咁，入錢就會有一罐罐頭麵，熱嘅！其實幾得意！我本來都想買，不過真係太重，所以都係唔買了。

行到差唔多6點，就要轉戰中野！！！

6:00pm > 中野

去中野都係我哋去日本其中一個重頭地方之一，點解？因為買poster呀!!!!!!!!!!! (瘋癲中)XD

中野其實有咩野睇呢？對於一般遊客係冇野睇嘅，但對於鍾意日本POP、idol嘅人就發達啦，因為裡面就好似香港信和咁，有好多poster、fan club 會刊、pop等，真係每次都會買到好開心咁返香港！當然對於其他人來講，我哋呢個行為係痴線的 XD

↑ 中野夜景！！！真係第一次咁樣望中野個景色

我依家諗返起個情景都好好笑，因為我同otto, bubu一到門口，就一支箭步入去搵自己想要嘅野，otto更加上咗摩打咁捉都捉唔實 XD，我自己就覺得中野比起前幾年真係貴咗好多，不過我自己好開心係可以買到11本安室fan club會刊，真係bid都bid唔到，重有3張poster1個大meiji fran pop，otto都買咗好多hikki舊poster同埋佢my love嘅kamiji lion poster！呢次真係財散人安樂！

↑ 夜晚去咗附近嘅店子食鐵板，味道ok，個set份量都好大，算幾抵食了。

↑ 同otto行過有安室汽水機嘅地方，不自覺大家都影咗好多惡攪相！肯同我咁樣惡攪法，得otto先得 XD

↑ 我自己冇影戰利品，偷一吓otto的圖！全是poster！

食完dinner，去咗中野驛前坐咗一陣，一路食章魚丸，一路傾計，好舒服嘅一晚，秋葉原 + 中野呢一日，我好開心，你哋呢？

2010.04.22 大阪‧東京 (Day 1 香港→大阪)

2010.04.23 大阪‧東京 (Day 2 大阪福島)

YIU'S HAPPY BIRTHDAY

2010-10-13T03:52:00.000+08:00

曾在Blog說過阿培及阿妖是我生活中一對很重要的朋友，

不論以前工作上或是私底下的相處，他們給我說過的話我也記得的 :)

今天是妖妖的生日，我忠心祝她Happy Birthday！每天都過得快樂！

BEST WISH

自拍(汗)

2010-10-12T03:55:00.000+08:00

自問不是一個「自戀」的人，不會對自己的外表及身材充滿自信，所以很少給自己自拍，最近我應該痴線啦，見到有長鏡的地方就會拿起電話影一下，點解？我都唔知道，踏入中年很多東西連自己也解釋不到 XD

我回來了

2010-10-12T01:37:00.001+08:00

很久沒有在blogger寫日誌，耐到連blogger也轉了介面，更新相片及預覽的介面也不同了。

自從facebook有了手機版的功能，有時也會為了方便，想將即時的心情及有趣的東西上載給大家分享，這就是facebook給大家彼此間一個很快的互動橋樑，這也是令大家每日沉迷花時間在此地方的原因，記起obama倒是十分有趣的說話，就是「如果想做成功的人的話，就不要玩facebook」其實也不是沒道理，我相信我也不要習慣慣性流連facebook了:)

我選擇回來blogger，思考每一天發生的事，跟我最親近的朋友分享一點一滴，也是很幸福的事 (如果大家依然有在看的話:) )

N.A All Music Complete

2010-07-20T02:20:00.002+08:00

放假冇野做有時真係會做d無謂野，今日將安室全部single同埋album再加collaboration rip晒320kbps mp3！哈！CD bye bye ! 我有排都唔會開你嚟聽啦！XD (雖然我仍愛CD的音色質感)，total 69項目共4.1gb！ :D

P.S 日本之旅我會趕工的！人懶寫不到認真慚愧.......

Paul Lafayet / Shopping Days

2010-07-09T23:03:00.001+08:00

上星期日同咗阿非同shimi睇史迪加！對套戲冇咩comment，反而想記低果日我地又再次去Paul Lafayet朝聖！嚟一個試食報告呃一篇entry先。 :D

因為creme brulee太好食！我地今次去到叫左未試過嘅三樣甜品黎share，一個係Lemon Tart with Meringue，另一個係Cremoso Craquelin同埋Dome Chocolat Myrtille！

↑ Lemon Tart with Meringue

好甜！我對檸檬味嘅甜品都係一般，未至於唔好食，不過我唔太好囉...

↑ 左邊係Cremoso Craquelin，抹茶味蛋糕，幾好食！

右邊係Dome Chocolat Myrtille，朱古力 + 藍莓mousse蛋糕，

都係甜咗D！冇咩藍莓味，朱古力味都唔太濃，兩個之中抹茶最好！

↑Cream Blulee係我至愛！店員即席同你燒脆D蕉糖！外熱內暖，蛋味好香架！
個蕉糖皮真係非常好食！個陶瓷碗重要係送埋比你，$40蚊我覺得都算合理！

食完晚飯去咗行街，好耐都未試過買野，重要同阿非咁痴線咁喺collect point度shopping，喺HARE買左一條褲加一件vest，HARE終於有褲size啱我著，哈哈，證明我係瘦咗囉，爆(~~)

一個人的<一人戀愛>

2010-07-03T05:07:00.001+08:00

今天自己一個看了人生第一個舞台音樂(劇)表演，不用音樂劇形容是因為它仍不是一個徹頭徹尾的劇目，可以說是一個個人solo的音樂會，那為什麼我會買飛入場？是因為主角Clifton的邀請。

我跟Clifton完全不熟，嚴格來說應該是大家互不相識，是因為好朋友patrick我才會認識他，有朋友跟我說，你跟他不熟，大可說沒時間推掉他，不過我覺得在我能力範圍及時間許可，為什麼不去支持一下呢？但我也佩服他對自己舞台的執着，他在表演中曾說過，這次的solo完全是一個任性的project，儘管不太計較回報及回響，目的只是想將自己的表演慾念表露於人前，我覺得既然一個人有本錢、有理想，在年青時也不妨任性一下呀，我有時也想任性地做一些別人不會做的事，可惜我沒有Clifton那本錢罷了.........

一年四個月的SINGLE

2010-07-02T02:05:00.000+08:00

每次安室有新曲推出，我都會好珍惜及期待面世那一刻，因為不知要等到何時才再等到她有新作面世，相隔一年四個月以來 (!!!!!)的全新SINGLE Break it / Get Myself Back月尾就要發售了！很愛Get Myself Back！很愛安室唱Ballad的聲音，Break it 也不錯，不過略嫌太典型J-POP (其實兩首也很K歌)。

IN COVER + BACK COVER 總共四款照片很大推頭！感覺很大賣！ (哈)

2010.04.23 大阪‧東京 (Day 2 大阪福島)

2010-07-01T04:42:00.001+08:00

2010年4月23日星期五

8:30am

第二日早上，我地去搵地方食早餐，不過咁早唔知食乜好，就去咗附近嘅麥記食！

日本嘅麥記！我最最最想食當然係豬柳蛋漢堡！我成日都同人推介，不過好多人都會話去日本洗乜食麥記，我其實唔係好同意，因為日本同香港嘅味道真係差得遠，好似豬柳蛋漢堡咁，麵包面係有好香嘅蜜糖味！

↑好食到呢~~~~~好蜜糖好juice!!!!

↑otto的，期間限定熱狗

食完早餐，我地就去附近嘅地方行下，去酒店嘅對面yodobashi就最就腳，其實yodobashi大就大，不過就唔係好多野行，最大嘅就一定係comme ca store同埋電器城。

↑過了宣傳期仍可見到安室的VS counter！！

1:00pm

我地行到咁上下，其實都好快就下晝，就去咗yodobashi頂層food court食lunch!! 因為我地想每一日都試唔同嘅野，所以今餐去食蛋包飯！

嘩~~~ 蛋包飯都有分S、M、L、XL！XD

我呢D胃口食唔到咁KING SIZE分量，我自己就揀左M SIZE的黑咖哩，otto就揀左M SIZE的意式(?? 唔記得全名)芝士，至於bubu就揀左個........

六蛋KING SIZE 分量!!!!!!!!!!!!!!!

↑就係呢個六蛋份量的XL SIZE!!!!!! 強呀!!!!

↑好味！不過都係覺得yokohama嘅好食!!

食完lunch，我地就要出發到下一站，去今次日本嘅主要目的之------------PAST FUTURE TOUR 2010，今次睇tour 嘅會場係大阪國際會議中心，早喺5年前queen of hip pop 我已經到過呢個會場，今次PAST FUTURE再到此地真係覺得時間過得好快！
會場要喺福島站落車再行過去，話就話以前嚟過一次，不過我到咗福島之後，對周圍真係冇咩印象囉 XDD 不過福島比大阪市中心重要淳樸，小街、橫巷、小屋都好有日本味道，我地一落到車見到冇咩人嘅小街已經話要影best shot (爆)，一人幾shot，又跳又坐扮晒next top model咁，誓要打低大家拎best photo!! XD

↑福島站

↑who's win?

會場話遠唔遠，話近又唔係好近，地圖話行10分鐘就到根本係吹水，不過好彩我地最後都搵到！

到咗會場其實我個心一直都囉囉攣，可能就近開場時間所以個人就比較緊張，揸住張好長嘅tour goods清單我都好緊張，因為我驚買少野(最後我都係幫sharon買錯男裝TEE的 XDD)，我叫咗otto幫我手將d野入袋，當我話要買9本場刊果時，果個日本女人都已經眼超超，其實有咩好超姐，你擺得檔賣野就預咗人買，不過我都唔理得佢咁多，不過因為我真係買好多野，所以要行埋一邊慢慢pack好，pack緊野嘅時候bubu好大聲咁嗌咗一聲.....

bubu : 「呀~~~~~~~~」

「??」

bubu : 「我地係第一行呀!!!!!!!!!!」

「吓？」(我當時係望住個floor plan係O咗咀)

其實我知道孖位aa係第一行時真係好驚訝而且好羨慕bubu第一次睇安室就已經坐到好多人夢寐以求想要到嘅第一行位，不過同時間我開始擔心我嘅bb位係咩野行數，不過，otto可能知道我坐唔到aa行驚我失望，佢猛叫我不如佢果張飛同我換位，我一直都話唔好，其實我唔係扮野，而係我真係唔好意思接受，大家都係拎咁多錢出黎買飛，而且一早講好係佢同bubu孖位一齊睇，係我唔好意思接受....

otto；「你要啦，我呢d偽fans之嘛，如果換轉呢次係hikki或者kamiji，你都會咁做啦」

果一刻我真係好多謝佢，講真d真係有少少感動而且有少少唔好意思，不過都係果句！thx otto!!

入到會場，好感動！！！！從未如此咁近！

↑好感動！我地個位係正中左手邊 >w<

好心急要等到6:30pm開場，不過預咗例牌安室遲咗10分鍾開show，音樂一起FAST CAR嘅intro，全場已經企晒身全場尖叫，呢一刻安室喺我唔夠4個身位嘅眼前，呢一刻真係好滿足！令我更我去enjoy成個show！事前睇track list就覺得麻麻，但現場睇就覺得成個show嘅穿插都比我想像中統一，當然安室嘅演出更加令我好難忘，GOOD SHOW！

我永遠都會記得4月23日喺大阪同安室有過零一樣的音樂距離！

其實4月23亦係otto嘅生日，早喺朝早我同bubu已經研究夜晚點同otto慶祝，但最後都搵唔到時間同埋機會去買野預備，惟有夜晚完show後就搵藉口返酒店抖一陣之後，我就出去試下睇下有冇蛋糕賣，因為夜晚九點好多地方都關門，不過最後都喺梅田一間酒店買到一個-----------奶油士多啤梨蛋糕！

yeah！我地太細心了！XD！我買蛋糕bubu就負責買candle，我估otto都(少少)驚喜的，雖然2010年呢個生日唔係你人生最盛大的一個，不過都係我同bubu對你嘅一個小心意，happy birthday！:)

↑個蛋糕好好食的！

晚餐我地就出咗去梅田一間拉麵店食拉麵！好食呀！特別係係餃子，皮薄餡靚，拉麵都好好食！不過我太飽，只係叫咗細size份量，都已經好滿足。

↑好食到,,,,,,真係想再食！

簡簡單單一日，我開始enjoy到旅行嘅快樂，呢一日，我好開心！

搵工

2010-06-26T05:43:00.001+08:00

做了4年，工作沒變化時人工又沒有起跌，真的很想轉換一下新環境。

為隨時見工作準備，這幾星期都抽時間出來再整理一下雜亂的portfolio ，真的很亂呀！要將一堆幾年來的soft copy抽出整理是何其大工程！！！

中獎 !!!!

2010-06-14T17:18:00.000+08:00

好開心呀！咁大個仔買六合彩都未中過獎，莫講話中，連兩個字都未試過，上期六合彩我終於開齋中左>>三。個。半。字<< 派彩320蚊！wooooooooo 好開始!!! 哈哈

2010.04.22 大阪‧東京 (Day 1 香港→大阪)

2010-05-31T02:02:00.002+08:00

終於有心機及時間記低一下一個月前日本之旅的人和事，這六天的日本之旅真的很開心！很多事及物也在今次的旅程中留下了最好的回憶！btw，我仍然很掛念日本呢！

2010年4月22日星期四

臨出發果一晚編行程表同埋執拾行李攪得太夜，所以只係訓咗2個鐘就換衫搭車去機場，shit!!!
今日竟然一架E車都冇，等到有車時架車又行得超慢 (全程用咗1個鐘頭9個字!!!!)，講真，真係未試過去機場遲到，但真係架車真係慢到核爆，當我去到機場時已經係8點9........遲晒大到！真係好對bubu同埋otto唔住........

2:15pm > 大阪國際空港平安到達！

好準時到咗大阪機場，天氣就一般啦，好多烏雲而且重落緊雨，不過氣溫就冇我想像中咁凍，跟手我地就去仆過去買飛搭3:15pm南海電鐵去新今宮，過咗時間就又要等十幾廿分鐘先有一班，同埋因為我好驚搭錯線，時不時都對下資料啱唔啱先上車，好彩最後都相安無事平安上車！:) 可能因為大家都好攰，上到車都冇咩Energy，不過bubu一上車就抱頭大睡.......哈！

終於到達新今宮，要轉線去新大阪，但我最唔想見到嘅事終於要出現，就係「搭錯車」!

我地去咗同線月台搭車，點知唔到兜返轉頭，咁惟有落車研究應該去邊度搭，我用我極度有限嘅日文問一位婆婆去新大阪係邊一條線，當然婆婆嘅回答係非常之詳細但我冇乜字聽得明，哈，只係手指對面月台，咁我地惟有博一博過對面搭車，點知婆婆非常友善靜雞雞跟住我地尾，其實驚我地搭錯車，當有車嘅時候就指示我地上車，超感動!!!!! 都話架啦，日本人真係好鬼warm，比著返大陸又或者喺香港真係啋你都傻！i love JAPAN!!!!!!!呢件事被otto形容為發生喺日本最感動喺事之一 :)

兜兜轉轉去到新大阪已經5點幾，再行去梅田新阪急check in都差唔多6點..........不過check in時其中一個最大任務就係----------------------------攞飛！

今次去大阪其中一個目的就係去睇4月23日安室嘅PAST FUTURE tour 2010。
返房掉低行季就過bubu 同埋otto房拆「信封」！因為好心急想知我地坐咩位，wo~~~張飛真係好靚！一階AA17, AA18, BB28？我唔識睇靚唔靚位囉，但睇到17,18呢d數字就不自覺就覺得唔方好得去邊.......

bubu話「AA！會唔會係第一行呢？」

我「唔~~ 冇可能啦，不過應該都唔會後嘅........」

飛嘅事就冇研究落去了，因為我地要趕去我地嘅第一個地點--------心齋橋

6:30pm > 心齋橋

已經第三次到心齋橋，但依然覺得心齋橋嘅夜晚真係好靚！黎到心齋橋當然係會行吓藥房、ABC Mart、去mr.donut買donut食 (爆 XP)，可惜真係落毛毛雨，真係有唔少掃慶感覺。

我見otto同埋bubu佢地今日真係冇咩影過相，只係沿途影兩張景物，所以我提議佢地喺心齋橋固力果大招牌影張相，可惜佢地唔想影，其實有少少可惜的，難得喺大阪我都想佢地影吓自己做個紀念，不過我都偷偷地佢影咗唔少相做record(當係偷影啦~~哈哈)

行得夜咗，搵食肆食晚飯都係一個好大難題，千揀萬揀我地揀咗去はなまるうどん食烏冬，係一間自助式烏冬店，呢間舖我曾經喺涉谷食過，味道都可以的。

↑ 我揀咗一個冷烏冬加玉子，配天婦羅，味道好一般，烏冬好唔彈牙，勁失望！

↑ otto的熱鳥冬加玉子再加炸玉子(爆XD) 配冷奴，感覺呢一個會好食好多囉!!!!!!!!

食飽已經11點幾！嘩~~~好夜呀！係時候搭地鐵返酒店，雖然第一日又落雨又攰，但我感覺仍然好開心。

期待聽日，我地要出發睇PAST FUTURE tour 2010!!

(to be continous)

精神不穩

2010-05-25T04:05:00.001+08:00

發覺自己提不起勁去打entry，想了很久都不知道自己有什麼要記下來..................我的墨水似乎已經乾了!!!!!!! ~~

最近精神很差，時常也要在canteen買咖啡來提神，我知道咖啡不能提神呀，不過nescafe這隻cream white咖啡又幾好飲!! 現在一日幾乎飲一罐！是上癮嗎？

LADY GAGA

2010-05-24T03:54:00.001+08:00

因為很喜歡Beyonce，所以超喜歡Telephone，甚至是愛上了Lady Gaga!

因為Alexsander Mcqueen 給她在mv design的8寸穿山甲！我才開始留意Lady Gaga!

因為otto 在日本的Bad romance 狂轟 (還有ayu呀，哈)，我才在日本買了The Fame!

Bad romance, Alejandro, Paparazzi, Boys Boys Boys, Love Game, Eh eh 每天不停在我的i phone狂轟!!!!!!!假若Monster不跟The Fame合併推出的話，我會比較喜歡Monster多一點! 太精彩了 !!

最近很迷 !!!! (讓我迷多一會吧 ! 哈)

Japan Trip 2010

2010-05-01T03:51:00.001+08:00

由編排、訂酒店到出發至旅行歸來，一切時間也過得很快，也許開心的時間就是過得那麼快，返來香港例必魂魄唔齊、肉身在香港靈魂在日本的情況又再出現，太想念日本及安室了，也想念跟我一起同行渡過了六天愉快假期的otto及bubu，也期待我們在機場說好的下一次日本旅程，we will be back！

身心疲累，現階段未有時間整理自已的心情，希望有時間在blog來個旅行日誌吧！

但人生是快樂自求

2010-04-07T01:02:00.005+08:00

你我各有沉和浮必須單打獨鬥

可不可撃敗命運亦掌握於我手

臨行前互拍肩膊已夠夠力再搏鬥只因你企背後
這世界最強同謀最上心的隊友

隨時齊集預備犧牲給我分憂

但人生是快樂自求敬我一杯烈酒信我就夠

還有寫Blog的人所餘無幾

2010-03-18T22:13:00.001+08:00

友人在Facebook問了一個問題

「重有冇人重寫緊Blog?」
我：「我有呀...」

事後我才發現，原來我身邊的人及朋友，很多已經沒有再更新自己的Blog了，有一些的記事還停留在半年或一年前，至於我還有寫Blog的原因，大概是想將每日的事記下，跟我的朋友分享我的每一小事。

但是現在有沒有人在看我的Blog呢？我也不知道

漢城美食

2010-03-18T03:17:00.000+08:00

3月5日，我和psyche約了很久沒見的阿蚊出來食飯，坦白說，這兩位小姐的主見度係屬於零的，假若問她們想吃什麼呢，她們只會說.....

「你諗啦！」

我：「不如去食韓國野啦」

「邊度黎架？好唔好食架？」

我：「尖沙咀囉」

「又尖沙咀？我前幾日又去左尖沙咀啦喎」

我：「唔係尖沙咀就旺角銅鑼彎架啦」

「銅鑼彎我唔去呀，咁遠」

我：「........」

到最後我當然沒有理他們XD，選回我之前提議的一間韓國菜「漢城美食」。

其實這餐廳的地址也十分難找，我們只有一個印象就是在婚紗街的附近，手執IPHONE的我突然想起，為什麼不用Google map找呢？XD 好玩呀！就好像拿著一個指南針一樣 (有點白痴 XD) 去遠征，最後果然是找到的！ Google map 勁呀！

其實店內不是很大，如果遇著多人的時候，應該坐得不夠舒服。最好笑的是餐牌的每一道菜也是50大元，幾乎是均一價！我們order了網上食評推介的數個菜式，如綠豆肉餅,、韓式炒粉絲、炸醬麵、泡菜炒飯及韓式炒年糕，其中最出名的炸醬麵，我個人就覺得非常一般，麵本身不夠乾身，好像剛剛過完冷河沒汞水一樣，味道也偏淡，泡菜炒飯味道ok，辣味夠！綠豆肉餅也不錯！不過要說最好食的，反而是韓式炒年糕，非常煙刃，泡菜味很夠，不過稍為甜了一點。

●等食期間勁玩我最近勁愛的apps四格即影即有 XD

●前菜的泡菜很惹味！炒粉絲的味道也算不錯

●最好味的炒年糕！

●綠豆肉餅很脆，不過不太吃到綠豆茸的味道

●外貌有點像平時吃到的大肚婆少飯

●招牌菜炸醬麵，不外如是

其實事前不知道這間餐廳10時半關門，我們還慢慢吃到11時，但韓國人老闆也沒什麼黑面，服務算是不錯了。

告別大牛龜

2010-03-17T03:33:00.002+08:00

早喺上星期，屋企睇咗接近10年嘅電視宣佈收皮！坦白講，其實一早想換電視好耐架啦，因為可以有藉口換部高清電視嘛，但..........唔係呢個時候囉 (因為呢期唔想用錢兼多支出，真係遲唔壞早唔壞) ，不過唔換唔得，就算我唔多睇電視，我媽都要睇，所以我同我家姐商量好，決定買 (供?) 過一部新嘅電視，不過除咗SONY及Panasonic，應該都唔會買其他牌子，所以最後都係決定買返sony，今日終於送咗黎啦！

呢部BRAVIA EX500係SONY最新款(暫時)嘅中階機，貪佢有motion picture flow功能，兼容iDTV解碼，1080P FULL HD，外插HD播TS一流！你睇我播日本BS-hi POP JAM幾清！哈哈！

● 真係好正呀！日本BS-hi果然係最好的！

試播04年安室ALL FOR YOU @ POP JAM，perfect!!!

The BIG FOUR TOUR in HONG KONG

2010-03-16T03:31:00.002+08:00

今天和家人看了THE BIG FOUR的演唱會，因為媽媽超想睇！所以幾經辛苦先買到買張「山頂位」門票，自己本身興趣不大，4個之中最喜歡最想看的已經是蘇永康了！整個SHOW氣氛超好！不過，TALK嘅位太多了！雖然笑料爆瀉，但始終以歌為中心會好一點。

四位也是小弟讀書時期的歌手，生於80後的對他們的歌可以是耳熟能詳，四位之中許志安是全晚最受歡迎的一位，其次已經是張衛健了，但我獨愛蘇永康，他的唱功絕對可以勞駕許志安之上，全晚最有感覺的，也是他的「男人不該讓女人流淚」。

● by IPHONE，幸好山頂位也是正面的

香港演唱會例牌有Encore，四位也有為大家Encore了兩次才完場，當全場燈光亮起及宣佈演唱會結束時，大家也不停納喊，大叫encore，不停擾攘了近15~20分鐘，這種情況不知在何時開始興起的，大會的廣播也播了兩至三次完場，band crew也拆走結他線準備離去，大家大喊有什麼意思？想走也走不到，落了一半樓梯前面的人也好像期待有「下場」似的，這種現象何時產生的？

香港人越來越被寵壞了.......

有HEART的BONUS DVD

2010-03-13T03:06:00.001+08:00

遠睇還以為係哥哥第 n隻精選碟，其實係陳奕迅最新EP封面。

EASON已升上神台，新專集嘅歌曲風格也是我預料之中！肯試肯玩肯做新風格的歌手，依然只有陳奕迅，歌曲先不談，因為碟中六曲CD還付送全六曲的MV DVD，這種「大堆頭大贈送」我還以為只有濱崎步先會做 XDD ，至於MV麻！香港拍的MV真係十個有九個也是爛的，但我睇完全碟，真係六隻都拍得好！特別係一絲不掛嘅手沙畫，真係好絕！如果香港做唱片嘅有返少少heart的話，樂壇重未死得晒嘅...........

●左二係我欣賞嘅MV之一「一絲不掛」

bear bear hung brithday

2010-03-02T02:34:00.002+08:00

Happy Brithday to Lawrance !

其實呢個組合嘅約會，已經好耐冇出現過，因為大雄生日關係，大家先可以再咁齊人食一餐飯，地點選擇御泰坊。

再次翻兜呢間泰菜館，水準都keep得下，不過事前一天的服務態度就真係令我對呢間餐廳評分拉低。事緣早一日曾經打電話去呢度詢問過可唔可以早一日自攜蛋糕貯存一日，當時其中一位staff就同我講係冇問題，咁我就不虞有詐過海買蛋糕 (係呀！山長水遠架！)再拎去餐廳，同一位staff講出我嘅要求時，佢嘅回答就係 : 「吓？你Book聽日咁早就拎個蛋糕嚟？」(你冇嘢下話？)真係火都嚟 : 「喂，我係打話電話嚟，而你地又firm咗我先拎個蛋糕嚟架喎，你依家同我講唔得？」當然最後佢都唔會奕客人意思，不過如果你用咁嘅語氣service一個客人，我覺得你真係唔洗旨意我再翻兜下一次。

●唔知點解朋友間食飯一定會有「玩電話」呢個場面 XD

正月十五

2010-02-28T22:20:00.002+08:00

元霄佳節，也是正月十五，沒有情人的人最好節目就是..............拆利是！！！

元霄節快樂 :)

木村カエラ - Butterfly

2010-02-28T04:53:00.002+08:00

最初認識Kaela是05年從sunday model的阿dick介紹的，但一直都沒有聽她的歌，最近一曲Butterfly很吸引，她的BEST最近在我的Player不停地播，很喜歡啊！日本傳媒將這首歌譽為新世代結婚式的歌曲，歌詞理應很淺易很易明白，但我不得不承為我的日文退步到日初也不如，希望今年有時間有動力可以再重新認識日文吧 :(

DUO GOODS

2010-02-26T04:09:00.003+08:00

好鍾意EASON，特別係佢嘅演唱會，好多人問eason有乜好睇，eason唱得好呢d廢話唔講之外，最勁係佢乜都敢試，而且eason concert嘅衫亦係好睇之一，上次moving on stage wyman嘅一系列挑選真係拍攔手掌，雖然我係唔鍾意wyman，不過無可否認佢係有衣著品味，希望今次DUO concert會再係wyman 執教鞭吧！

MOOV最近率先發售DUO concert goods，好得意wo~！特別係fashion lable jemery scoot design嘅tee，不過索價1300蚊一件，應該只有一班妹妹die hard fans 買了 XDDDD

New Phone

2010-02-22T04:23:00.004+08:00

如果唔計只用了半年的do co mo SH01A，我對上一部電話就係用了3年多、最舊款嘅Sony Erisson K610i，因為就黎要去日本，do co mo本身又對應唔到漫遊，加上日系機打sms又真係好唔方便，所以用左半年唔夠就上網用左7成價放售，算係放到個靚價了，本以為可以重拾果部low tech嘅K610i征日！！！可惜部衰機個聽筒位又黎作死 (唔係籍口呀 ~~~~)，就係咁，年廿九臨收爐時走去數仔出了我人生第7部電話-------IPhone XD

我終於可以丟低我部ITouch啦，IPhone 聽埋歌真係超方便！

Hey~friend，見到我時企定定比我影張相做來電照片啦 XDD

來電

2010-02-20T03:10:00.002+08:00

你來電給我告訴一切，在短短的對話中，作為朋友的我沒法為你分半點愁，我也覺得很不開心，我腳軟了，站在Pantry很久才醒來......

失去的由她失去吧，路，始終要繼續行，眼淚流完、乾了，再繼續你的新生活，
大家也很擔心你，你也讓我們為你分憂好嗎。

新春置頂

2010-02-12T03:02:00.001+08:00

來一個早年，祝大家新年快樂！身體健康！愛情得意呀！

WORK HARD

2010-02-09T04:23:00.003+08:00

好忙！唔明點解今年無啦啦要分呢一行係做今個星期既稿，果一行既人就做新年果個星期既稿，好唔好彩，我係食正新年稿果一team，即係話，我忙到pk！未試過(<<< 係未試過)一日之內有三份全版既新年稿要做，係全版！重未計未出color既稿，即係totel有6份，全部全版稿！有d同事就好似我咁做到pk，有d同事反而怨冇稿做，麻煩department head唔好攪埋呢d所謂既分組，懶有系統，實質分配不力，fxxk！

夜晚約了好耐冇見既朋友晚飯，地點選擇到一壽司，其實初初有d抗拒，因為唔想食d冇咩風評既壽司店，試過之後又真係唔錯！用料起碼新鮮！比起行高格調的monster sushi好兩條街！真係意想不到。

Photo sticker

2010-01-31T15:12:00.001+08:00

早前幫朋友一份poster scan相，終於對擺放很久都未用過兼且封塵的scanner開一次齋，scan開就上了癮，順便找回一些相片出來scan一遍，當中有不少是貼紙相。

我對影貼紙相沒什熱衷，大多都是朋友提議才去影，原來多年來都拍下不少，當中有一些畫面已經化開、褪色、變黃，再看看日期，原來已經過了很多年，當中各人的生活都變化不少。

突然掛念很久沒見的孫勤欣，真的很多年沒有見面，很想知道對方的生活如何，很多時侯不是不想保持大家的聯絡，而是友誼未變但人已經變了，這一點無奈，你們有同一樣的感受嗎？

Apple IPad

2010-01-29T02:24:00.004+08:00

好像友人Raymond及bubusammy咁講「一部連flash都睇唔到既巨型I pod Touch，要嚟做咩」

初看書刊早前的簡介及報導早已對它沒甚期望，發布後果然一如所料。

如果說IPad是一部多功能的多媒體娛樂功能產品，它是勝了！

手提laptop呢？對不起，我看不到它有什麼laptop的優勝之處，更何況平板電腦也不是什新科技，還有就是虛擬鍵盤的實用性存在嗎？

姑勿論apple在它的press-con如何吹噓自己的新產品，但在短短10分鍾的產品功能介紹short-film已經覺得apple在換湯不換藥，借I Touch的屍還IPhone的魂，稍作門面修改就變成頭炮重點出品，apple的葫蘆究竟在賣什麼的藥？

看來IPad只能成為apple fans及一眾潮童所追捧，看我還是期待6月apple的新IPhone好了，因為我依然對IPhone滿有期望的！

我還是想出IPhone呀！smarttone真的把IPhone帶來得非常合時！呵呵

Mr x Namie Amuro WILD HEALTH

2010-01-26T03:40:00.001+08:00

估唔到香港zero 都會推出WILD HEALTH呢個project，亦估唔到香港區代言人會搵MR.，更加估唔到既係，今次廣告會係MR.同安室上年拍左成年既日本區廣告Cross over！即係話，香港就快可以睇到coca cola zero新廣告不凸止，重會睇到安室既出演！真係好想睇下個廣告MR.點樣mix埋落安室度！我對呢個廣告比起vidal sasson更加期待，怪不得叫隔空合作！Let's get WILD!!

a little bit change

2010-01-20T03:15:00.002+08:00

這一夜，阿培給我的感覺是改變了，變了什麼？我自己也說不出來，他收起了平時比較胡混的嘴臉，眉頭也收緊了，有心事嗎？沒可能吧，說不定他跟其他人gathering時又回復平時白痴的樣子 =p

未來

2010-01-17T05:32:00.001+08:00

問始擔心自己的未來，好像好多事都未明朗，又好像看不見有人在背後support，一個人的路是很難行的！我要加油！

FB

2010-01-16T02:15:00.001+08:00

HAPPY BDAY to lai chi hang

很喜歡看見別人被弄得既驚且喜的模樣，每年絞盡腦汁也只是想收這到不做作的效果呀，老土點講句你快樂所以我們快樂，新一年各位也向著自己的夢想努力吧！

When I was a Baby

2010-01-12T02:12:00.002+08:00

因為人懶，久一久也沒寫Blog，很想為2009作個總結，但...容後再談吧！

最近媽媽在外婆家帶了一些舊照片回來，有一些根本我見也沒有見過，媽媽手執這張照片跟我說：「你睇你細細過果陣幾過癮」，我心想：「而家都唔係好差掛」XDD

呀~~我曾經也是一位可愛的小孩呀！！！XDD

My New Digital Cam

2010-01-12T02:01:00.001+08:00

FX3 及 G11，最後也是買了G11，我的35mm Fuji f50，再見了！呵呵

地球暖化

2009-11-23T04:24:00.001+08:00

轉載自WWF的會訊文章，讀後真的很不開心....

「雖然親眼見過北極熊的人不多，但這種動物白如雪、胖胖的，特別惹人憐愛。一直都知道，北極熊擁有厚厚的毛，需要在寒冷的環境中生活，但卻不知道氣温一旦超過10℃，北極熊便會死掉。估計全球只剩下2,500隻北極熊，當中有幾多能熬過全球暖化的威脅呢？

香港這幾天受冷峰影響，氣温驟降。身邊有些朋友埋怨，夏去冬來，秋天哪裡去了？早一、兩個星期還穿著背心、短褲，現在竟要急忙從衣櫃底，找回毛衣、羽絨大褸！

氣候變化，可引致一些生物絕種，但願大家不會只懂慨嘆秋裝没有機會登場，乃想想如何發揮自己個人的力量，應對這個威脅全球的問題。」

大家應該為自己還有機會享受冬天而慶幸，有些事本以為是必然的，但物極必反，到最終可能因為人類的自私而消失，請愛惜我們多美好的地球好嗎？

義

2009-11-10T04:54:00.001+08:00

好朋友一字對我已很陌生，在我過去的朋友當中曾有三個稱兄道弟也是知己，但最後也是反目收場，我也曾懷疑是否自己太忠直，我是那麼易騙易出賣。

自問也算是有情有義的人，朋友有困難，自己幫得上的我也會幫；朋友不開心，能分得的也希望可以分得一半憂，我拿心去待人，也希望別人對我帶點公平，不明白別人為什麼要做到沒有談話的地步。

我知別人在想什麼，自問自己不是很有男子氣概，跟男性朋友好傾一點就被說成是在攪同性關係，你現在沒拖拍嗎？那你一定是在攪同性愛，你和男性朋友去旅行共處一室，也會被說成春光乍洩，跟朋友反目也會被說成你失戀，朋友間有時也會被當成笑話嘲笑....我累了，恐怕我不能再跟別人混熟，很怕再被說閒話，這也是我怕陌生的原因之一。

只是別人當我傻子，其實我也會介意的..

工作歸工作

2009-11-08T02:36:00.001+08:00

可能人大了，好多事情都會睇得過分緊張，包括做人的態度，縱使公司是如何地自由，也應該分開工作還工作，私事還私事，同事朋友一整天打電話、傾電話、傳短信不下最少4個小時，吱吱噚噚的傾個不停，坦白說這不是我的事，而且也不太關我事的，但你卻經常跟我說很忙很忙，但工作時間又傾私人電話傾個不停，那你就不要再跟我說忙吧！還是那一句，不太關我事，是我自己太多事罷了，跟你太熟很多事跟你說你或可能聽不進耳，但自己燥底不吐不快，所以只能獨自在這裡宣洩一下。

感情

2009-11-02T03:42:00.001+08:00

感情是一門學問，但願你當中取得平衡點，做朋友但願看到的莫過於此，Best wish..

shisedo 人氣 UNO FOG BAR

2009-10-29T03:28:00.003+08:00

shisedo UNO FOG BAR / $110

日本直賣 (旺角銀城廣場一樓)

終於買到了！

當日本推出呢個廣告時，已經好想試下呢支聲稱最簡便、最持久清爽，可以取代HAIR WAX的定型噴霧！不過我一定知香港唔會返貨，所以惟有喺網上訂bid返黎！因為我頭髮長度唔長又唔短，想買支白色扮下妻夫木聰都唔得 XDD，紅白藍三色最後我揀左紅色 (短髮適用)，即係小栗旬示範果一支。

今次呢支新product銷量超勁，shisedo搵4條king拍廣告，以妻夫木聰、小栗旬、瑛太、三浦春馬(個人認為三浦春馬可有可無) 號召力果然贏晒銷量！聽聞日本差唔多賣晒，要搵齊三色唔容易！

順便一提，fog bar 官網有個無聊又低能嘅玩意，只要upload一張你自己嘅相落去，唔使2分鍾就會出現一條自己出演嘅CM送比你！唔信你睇吓，真係好抵死 !

Joe ver.

Sharon ver. XDD

非 ver. XDD

日本人真係創意無限

http://fogbar.jp/

三人生日蛋糕

2009-10-28T02:34:00.004+08:00

10月6日 11:35am

一返到公司有兩大盒斑蘭蛋糕放左響我檯面，原來係同事jessi喺新加坡買返黎，佢話買返黎補祝我同另外兩位同事生日，雖然有點奇怪第一次收三個人名嘅生日蛋糕 (而且有塔檯Feel XD)，但真係好開心，終於有生日蛋糕食嘛，因為呢個係我今年生日第一個亦係惟一切嘅蛋糕，切蛋糕時真係好想許個願！但最終都冇許到，唔知點解，明明今年有願望要許呀~~~~ (不過我次次許親嘅願望都同自己冇關 XP)

好味呀！香港冇可能食到嘅味道！連土司工房都冒充唔到嘅斑蘭蛋糕！

真係好想去新加坡！

夜深

2009-10-26T04:43:00.001+08:00

心事多了，煩惱也多了

開始失常，每晚也要滾到4時才肯去睡

誌上限定

2009-10-25T03:29:00.001+08:00

日本每星期都差不多有過百本雜誌刊物推出，想喺1億3千萬人之中賺你幾十蚊，真係唔搵野突出吓真係遲早會摺，聰明的日本人就係睇準係人都會貪小便宜呢個心態，所以好多大小雜誌都會隨書附送所謂的「誌上限定」，乘機加你十幾廿蚊一本劏你一筆，不過大多數都係質劣兼「送比我都嫌阻訂」，連10幾年歷史嘅COOL TRANS今期都賣大包送你XLARGE tote bag，雖然呢本野嘅內容真係超廢，基本上連揭嘅意欲都唔會有，不過今次呢件贈品又真係幾OK，夠大質地夠廷身兼有魔術貼，讚呀！為咗個袋而買一本唔想睇嘅雜誌，我都算係第一次，投降了.....

人總係貪小便宜嘅，不過冇諗過我都係 (XD)

改版

2009-10-24T03:31:00.000+08:00

又改版！改完冇一個月冇耐又要改！今次輪到我改最憎既男極圈，改黎做乜丫，d art改到有幾靚有咩用？呢版野既focus根本就係d囡囡，d阿叔得鬼閒理你d報眉headling有幾精美丫，真係多餘，重要累我9點幾先收工！shit！

廢

2009-10-23T04:22:00.003+08:00

我覺得自己好廢........

做野唔夠好，文又唔得，武更加唔得，讀書唔係好果個，做野又唔係最好果個，又唔識埋堆，運動唔叻，打機、語言、隊酒、影相樣樣唔、唔識討人歡心，唔識時勢做人.......

假設別人嫌棄我這個廢人也不是無原因的...

齊來畫公仔

2009-10-20T03:50:00.001+08:00

畫漫畫真係唔容易，除左畫得好重要有故事性，自問自己就冇呢個天份，不過同事Louis好有heart，堅持每日一漫畫來叫醒大家要每天輕鬆10秒，快樂有時係唔需要用錢得到的。

http://hk.myblog.yahoo.com/lutang2310

Tonite

2009-10-18T00:53:00.004+08:00

好耐冇update，唔知重有咩人會睇呢？

有d唔開心，感覺上好似冇咩人會關心，是我沒有朋友嗎？

12:59am at net cafe

Michael Jackson

2009-07-09T23:55:00.005+08:00

一個歌手如何有爆炸力及張力，在演唱會上就可以見其功架，michael jackson在台上還有一份比其他人沒有的，就是舞台上的自信，他將所有付出了給舞台，難怪全世界的人也拜倒MJ的舞蹈及音樂之下。

坦白講，我對ＭＪ的確冇太大回憶，ＭＪ紅既時候我先剛剛出世，Ｔｈｒｉｌｌｅｒ大賣嘅時候我都只係得兩歲，到自己有自己零用錢去買唱片嘅時候，MJ都已經係半退隱壯態，再者，自己較少接觸歐美音樂，開始聽一些英文歌的時候也是先接觸madonna、lauryn hill而不是michael jackson，所以MJ在我心目中，其實是相當是陌生的，但MJ的死訊對我嚟講，也是來得的確非常震撼。

一個一個和自己活躍於於80's年代的歌手相繼離開，突然也開始覺得自己老了。

you're king of the pop
michael jackson R.I.P 1958~2009

Yakult Blueberry Cheesecake

2009-06-09T23:28:00.004+08:00

加咗益力多嘅藍莓芝士蛋糕感覺上真係清新好多，而且一d都唔甜，而且唔難整，不過都係果句，出街買一個現成平過自己整lor XDD

魔鬼蛋糕

2009-06-07T16:55:00.004+08:00

美心半年前推出嘅天使蛋糕真係幾好食！１４０蚊有一個咁嘅質素嘅輕奶油蛋糕，算唔錯架！美心再接再厲推出另一款以70% chocolate mousse 做主題嘅魔鬼蛋糕，gimmick夠但可惜味道一般，mousse偏甜，朱古力味冇驚喜，相信都唔會再翻兜，魔鬼始終不敵天使......

棕子

2009-05-28T03:43:00.003+08:00

收到朋友整嘅端午糉，多謝Rossana同埋阿禮，我重未試！聽日試下先！
祝大家端午節快樂。

p.s Rossana隻史迪貓超可愛！希望下次可以再聊下佢下玩 XDDD

日風

2009-05-24T04:23:00.005+08:00

0架仔著衫嘅潮流真係日日新款，年頭吹完白藍撞橫間嘅海員風，玲姐夏天又勁煲漸變style，但我自己真係唔太鍾意漸變style，襯得唔好真係好易變mk，所以我覺得漸變style日本係唔會點hit，睇下men's non-no 煲左兩期就收手就知咩野事 (XD)

0架仔花巧極都有簡單嘅一面，waistcoat + chinos 似乎變成0架仔最近既定番，waistcoat真係唔係瘦仔都唔好亂試，我自問肥爆一定唔敢著XD，shirt / 無地tee + chinos 就0岩晒我呢d懶人，唔洗姿姿整整就出得街，爽呀！

重慶

2009-05-14T00:19:00.002+08:00

從未試過食印度人整既正宗ｃｕｒｒｙ，約左大半個月先約得齊腳去重慶食！我地千揀萬揀揀左間喺４樓，連蔡ｓａｎ都話正既ｗａｋａｓ　ｍｅｓｓ咖喱王（唔好睇個名好似好勁，基本上成間大廈間間野都話自己係咖喱王！！）真係唔係講笑，阿差哥既服務真係幾好又有禮貌，唔夠位坐咩？你唔洗叫佢佢都自動自覺同你拍埋張枱等你坐得闊落ｄ，冇水呀，即刻棟幾支bonaqua俾你！不過食物水準就冇蔡ｓａｎ講得咁好食，order既咖喱雞、咖喱牛好一般，有咖喱味而冇辣味。

熟我既人都知我唔食任何奶類同埋帶氈味既野，其中一樣就係羊肉！但奇在果日order左既一款做成肉腸形狀既羊肉卷，我一個人食左成條，因為呢個羊肉卷真係一d氈味都冇，我懷疑都唔知係唔係羊肉做 XD，不過最好食都係薄餅，原味薄餅、牛油薄餅同埋烤薄餅都非常好食，算係成晚最精彩。

P.S 大家去重慶食野喺大廈外邊千奇唔好接阿差哥D傳單，我果日就係接左「一張」傳單咁大把，惡夢就開始啦！我張傳單摺都未摺埋，前面已經有6,7個阿差哥湧去你前面塞傳單俾你，情況就好似一個人俾人強完咁混亂.... 當時我個表情除左滴汗同O咀，我無話可說......orz

Boris's Brithday

2009-05-12T02:56:00.002+08:00

圓滿的生日飯，大家都盡興吧！

Gathering

2009-05-06T04:03:00.000+08:00

阿斌要結婚了！
佢係我讀中二已經識既朋友，知道佢

華原朋美啪丸拍 AV

2009-05-01T01:32:00.005+08:00

小室面臨入獄　舊愛一脫求生華原朋美啪丸拍 AV
2009年04月28日

水着女星出身的華原朋美， 90年代憑着當時的男友小室哲哉為她監製的歌曲一炮而紅。不過兩人自 10年前分手後，華原朋美多次自殺不遂，精神崩潰的她，人氣更跌至谷底，她也曾推出半裸寫真，但未能挽回人氣。華原朋美早前更因無故玩失蹤，被合作多年的事務所解僱，恍如在藝能界人間蒸發。不過，最近已有日本 AV界人士大手筆開出約 4億日圓（約 2,800萬港元）天價，積極游說華原演出「唯美版」 AV，由於片中只需露三點，不必與男對手打真軍演出，據說近年已冇工開的華原已點頭答應，欲以 AV處女影帶作為藝能界復出頭炮。

男友落嘴頭游說
據昨日日本一個爆料網站報道，一名從事日本 AV製作的行內人士爆料，華原朋美日前已完成 AV影帶的拍攝工作，該名爆料人士說：「華原朋美拍攝 AV非常順利，因為她當時服了藥。她本身就是很喜歡吃藥，那麼不就是很簡單便可以拍完嗎？」
爆料者更透露，華原朋美願意演出 AV的原因，除了是為了金錢之外，也是為了她的現任監製男友。該名爆料者續說：「華原首肯演出，也是因為她身旁的男友成功游說她，好像當年菅野美穗拍攝露毛寫真集，攝影師當時正是她的男友，據悉華原拍攝 AV也是想益吓男友。」雖然有傳華原朋美的 AV處女影帶已經大功告成，但日本方面仍未正式公佈影帶的面世時間。
身為小室哲哉前女友的華原朋美，近年已多次傳出吃安眠藥成癮，去年 11月小室因涉金錢詐騙被捕，華原被發現披頭散髮在住所露台出現，不少人擔心她隨時精神崩潰。今年 1月她因急性藥物中毒送院治療，為了避開傳媒追訪，一度飛到菲律賓休養，日前有傳她被目擊已恢復健康返日，在東京江東區老家的錦戶町附近出現，華原由於擔心被認出，她刻意戴上帽子和墨鏡，據悉她當時還與一名中年友人同行。
事實上，小室哲哉家族的成員近年命運坎坷，華原朋美也並非首位淪落至拍攝 AV的藝人。身為小室家族之一的前偶像組合「 L☆ IS」成員牧野田彩，便將會以 AYA之名，在下月 1日推出首部 AV作品《 First Impression AYA》，當中不乏真槍實彈的激情演出。陳敏之和譚凱琪（ Zoie）曾為小室哲哉的愛徒，對於師姐華原朋美淪落拍 AV，陳敏之昨日接受電話訪問說：「吓！我諗佢揀呢條路自己都諗清楚，拍 AV喺日本係普通事，為藝術犧牲都 OK嘅，不過我自己就唔接受。」 Zoie則說：「我跟小室時知華原朋美係師姐，佢已經好紅。拍 AV係佢自己嘅選擇，每個人有佢嘅路。」

華原朋美D歌其實都幾好聽， "I'm proud, Hate tell a lie & LOVE BRACE"嘅MP3都重依然save喺我部nano到，當年LOVE BRACE大賣250萬，佢都算係當年紅極一時的百萬天后，以為佢癲完一排，有個電波少女令佢翻身可以令佢事業有D轉機，可惜到依家始終都要走去拍AV，好可惜.....

The world to change

2009-04-27T23:35:00.005+08:00

食雞有H5N1，食魚有孔雀石綠，食牛有瘋牛症，食蛋又有假蛋，依家連豬都有豬流感...............
咁重有乜野係食得？

我唔想香港再有惡毒出現，當年SARS陰影未忘，日日戴口罩真係好辛苦，自己唯一可以做嘅，就只有做好個人衞生......

congratulations

2009-04-25T02:26:00.003+08:00

識左16年嘅朋友終於結婚了，突然覺得自己又老左！
anyway，搵到另一半嘅最愛係好幸福嘅事，真係恭喜你地！

今年似乎好多人結婚，計埋今次，09年已經有2位朋友先後結婚，唔通今年係好年？

Pui

2009-04-21T02:56:00.008+08:00

阿培再三叮囑我要補放佢張相上黎，相信呢一次能夠贖罪吧！

要講阿培的話，其實早在我數碼廣場最後一期的編者話已經講過，所以都唔再講了，只能講自己喺舊公司三年的確沒有做出成績，或者你曾經對我(工作上)有期望過(又或者冇)，不過呢一方面相信也令你失望透(可能吧)。
曾經喺4年前講過，就係你和阿妖喺我既時光上出現過最重要既人之一，呢一點呢一刻都冇變(by me)。

p.s 相入面我唔係面紅，而係我飲大左.........(2003.06.13 06:21am at MK)

Change

2009-04-19T06:59:00.004+08:00

「你覺唔覺你變得沉默左？」

肥輝一語道破，我不得不承認我係改變左，喺公司，我係冇咩野想講，可能人夾人夾唔到，話題唔啱冇話題；朋友圈子，相熟的朋友自覺同我少左話題，有時會覺得，自己係唔太受人認同，自己就俾低自己分數，日子耐左就會唔太想分享，阿非曾經講過，我太需要人關懷，我唔否認，但亦因為咁，我就開始少搵人傾計，我唔想俾人覺得，少少事都要走去煩人搵人呻搵人傾，我選擇自己面對，選擇將所有事都收埋，我唔知咁樣對自己係唔係好事，但我好似冇得揀咁。

PUMA CALIFORNIA

2009-04-01T03:18:00.006+08:00

真係好懷念讀DESIGN時腳踏PUMA CALIFORNIA既日子！

記得10年前最多男仔著嘅波鞋應該都係NIKE，什麼JORDEN、阿甘鞋，記得讀設計時真係好多人著！自問著NIKE真係唔及人好睇，著左都唔人夠man XDD，所以果時我幾鍾意著平底少少既鞋，特別係PUMA CALIFORNIA。

CALIFORNIA個鞋底厚薄啱啱好，加埋個熨金LABLE完全絕到爆，記得果時勁鍾意PUMA CALIFORNIA都係因為SPEED同埋廣末涼子，尤其係廣末喺PV度成對橙色CALIFORNIA飛出窗口真係超型 XDDD，CALIFORNIA就因為咁喺日本真係HIT過一排，近幾年，CALIFORNIA近乎冇生產，真係好想再買返一對懷舊一下，雖然依家PUMA不斷有唔同既跑鞋推出，但款都係唔及CALIFORNIA咁順眼，

SPEED最近翻煲PUMA！睇到都開心 XDD

↑廣末飛鞋落街既PV XDD，超經典