地球暖化

轉載自WWF的會訊文章，讀後真的很不開心....


「雖然親眼見過北極熊的人不多，但這種動物白如雪、胖胖的，特別惹人憐愛。一直都知道，北極熊擁有厚厚的毛，需要在寒冷的環境中生活，但卻不知道氣温一旦超過10℃，北極熊便會死掉。估計全球只剩下2,500隻北極熊，當中有幾多能熬過全球暖化的威脅呢？

香港這幾天受冷峰影響，氣温驟降。身邊有些朋友埋怨，夏去冬來，秋天哪裡去了？早一、兩個星期還穿著背心、短褲，現在竟要急忙從衣櫃底，找回毛衣、羽絨大褸！

氣候變化，可引致一些生物絕種，但願大家不會只懂慨嘆秋裝没有機會登場，乃想想如何發揮自己個人的力量，應對這個威脅全球的問題。」 



大家應該為自己還有機會享受冬天而慶幸，有些事本以為是必然的，但物極必反，到最終可能因為人類的自私而消失，請愛惜我們多美好的地球好嗎？

義

好朋友一字對我已很陌生，在我過去的朋友當中曾有三個稱兄道弟也是知己，但最後也是反目收場， 我也曾懷疑是否自己太忠直，我是那麼易騙易出賣。

自問也算是有情有義的人，朋友有困難，自己幫得上的我也會幫；朋友不開心，能分得的也希望可以分得一半憂，我拿心去待人，也希望別人對我帶點公平，不明白別人為什麼要做到沒有談話的地步。

我知別人在想什麼，自問自己不是很有男子氣概，跟男性朋友好傾一點就被說成是在攪同性關係，你現在沒拖拍嗎？那你一定是在攪同性愛，你和男性朋友去旅行共處一室，也會被說成春光乍洩，跟朋友反目也會被說成你失戀，朋友間有時也會被當成笑話嘲笑....我累了，恐怕我不能再跟別人混熟，很怕再被說閒話，這也是我怕陌生的原因之一。

只是別人當我傻子，其實我也會介意的..

工作歸工作

可能人大了，好多事情都會睇得過分緊張，包括做人的態度，縱使公司是如何地自由，也應該分開工作還工作，私事還私事，同事朋友一整天打電話、傾電話、傳短信不下最少4個小時，吱吱噚噚的傾個不停，坦白說這不是我的事，而且也不太關我事的，但你卻經常跟我說很忙很忙，但工作時間又傾私人電話傾個不停，那你就不要再跟我說忙吧！還是那一句，不太關我事，是我自己太多事罷了，跟你太熟很多事跟你說你或可能聽不進耳，但自己燥底不吐不快，所以只能獨自在這裡宣洩一下。

感情

感情是一門學問，但願你當中取得平衡點，做朋友但願看到的莫過於此，Best wish..

shisedo 人氣 UNO FOG BAR

shisedo UNO FOG BAR / $110

日本直賣 (旺角銀城廣場一樓)

終於買到了！

當日本推出呢個廣告時，已經好想試下呢支聲稱最簡便、最持久清爽，可以取代HAIR WAX的定型噴霧！不過我一定知香港唔會返貨，所以惟有喺網上訂bid返黎！因為我頭髮長度唔長又唔短，想買支白色扮下妻夫木聰都唔得 XDD，紅白藍三色最後我揀左紅色 (短髮適用)，即係小栗旬示範果一支。

今次呢支新product銷量超勁，shisedo搵4條king拍廣告，以妻夫木聰、小栗旬、瑛太、三浦春馬(個人認為三浦春馬可有可無) 號召力果然贏晒銷量！聽聞日本差唔多賣晒，要搵齊三色唔容易！

順便一提，fog bar 官網有個無聊又低能嘅玩意，只要upload一張你自己嘅相落去，唔使2分鍾就會出現一條自己出演嘅CM送比你！唔信你睇吓，真係好抵死 !

  Joe ver. 

Sharon ver. XDD 

非 ver. XDD 

日本人真係創意無限

 http://fogbar.jp/

三人生日蛋糕

10月6日 11:35am

一返到公司有兩大盒斑蘭蛋糕放左響我檯面，原來係同事jessi喺新加坡買返黎，佢話買返黎補祝我同另外兩位同事生日，雖然有點奇怪第一次收三個人名嘅生日蛋糕 (而且有塔檯Feel XD)，但真係好開心，終於有生日蛋糕食嘛，因為呢個係我今年生日第一個亦係惟一切嘅蛋糕，切蛋糕時真係好想許個願！但最終都冇許到，唔知點解，明明今年有願望要許呀~~~~ (不過我次次許親嘅願望都同自己冇關 XP)

好味呀！香港冇可能食到嘅味道！連土司工房都冒充唔到嘅斑蘭蛋糕！

真係好想去新加坡！

夜深

心事多了，煩惱也多了


開始失常，每晚也要滾到4時才肯去睡

誌上限定

日本每星期都差不多有過百本雜誌刊物推出，想喺1億3千萬人之中賺你幾十蚊，真係唔搵野突出吓真係遲早會摺，聰明的日本人就係睇準係人都會貪小便宜呢個心態，所以好多大小雜誌都會隨書附送所謂的「誌上限定」，乘機加你十幾廿蚊一本劏你一筆，不過大多數都係質劣兼「送比我都嫌阻訂」，連10幾年歷史嘅COOL TRANS今期都賣大包送你XLARGE tote bag，雖然呢本野嘅內容真係超廢，基本上連揭嘅意欲都唔會有，不過今次呢件贈品又真係幾OK，夠大質地夠廷身兼有魔術貼，讚呀！為咗個袋而買一本唔想睇嘅雜誌，我都算係第一次，投降了.....

人總係貪小便宜嘅，不過冇諗過我都係 (XD)

改版

又改版！改完冇一個月冇耐又要改！今次輪到我改最憎既男極圈，改黎做乜丫，d art改到有幾靚有咩用？呢版野既focus根本就係d囡囡，d阿叔得鬼閒理你d報眉headling有幾精美丫，真係多餘，重要累我9點幾先收工！shit！

廢

我覺得自己好廢........

做野唔夠好，文又唔得，武更加唔得，讀書唔係好果個，做野又唔係最好果個，又唔識埋堆，運動唔叻，打機、語言、隊酒、影相樣樣唔、唔識討人歡心，唔識時勢做人.......

假設別人嫌棄我這個廢人也不是無原因的...

齊來畫公仔

畫漫畫真係唔容易，除左畫得好重要有故事性，自問自己就冇呢個天份，不過同事Louis好有heart，堅持每日一漫畫來叫醒大家要每天輕鬆10秒，快樂有時係唔需要用錢得到的。

http://hk.myblog.yahoo.com/lutang2310

Tonite

好耐冇update，唔知重有咩人會睇呢？

有d唔開心，感覺上好似冇咩人會關心，是我沒有朋友嗎？

12:59am at net cafe

Michael Jackson

一個歌手如何有爆炸力及張力，在演唱會上就可以見其功架，michael jackson在台上還有一份比其他人沒有的，就是舞台上的自信，他將所有付出了給舞台，難怪全世界的人也拜倒MJ的舞蹈及音樂之下。

坦白講，我對ＭＪ的確冇太大回憶，ＭＪ紅既時候我先剛剛出世，Ｔｈｒｉｌｌｅｒ大賣嘅時候我都只係得兩歲，到自己有自己零用錢去買唱片嘅時候，MJ都已經係半退隱壯態，再者，自己較少接觸歐美音樂，開始聽一些英文歌的時候也是先接觸madonna、lauryn hill而不是michael jackson，所以MJ在我心目中，其實是相當是陌生的，但MJ的死訊對我嚟講，也是來得的確非常震撼。

一個一個和自己活躍於於80's年代的歌手相繼離開，突然也開始覺得自己老了。

you're king of the pop
michael jackson R.I.P 1958~2009

Yakult Blueberry Cheesecake

加咗益力多嘅藍莓芝士蛋糕感覺上真係清新好多，而且一d都唔甜，而且唔難整，不過都係果句，出街買一個現成平過自己整lor XDD

魔鬼蛋糕

美心半年前推出嘅天使蛋糕真係幾好食！１４０蚊有一個咁嘅質素嘅輕奶油蛋糕，算唔錯架！美心再接再厲推出另一款以70% chocolate mousse 做主題嘅魔鬼蛋糕，gimmick夠但可惜味道一般，mousse偏甜，朱古力味冇驚喜，相信都唔會再翻兜，魔鬼始終不敵天使......

棕子

收到朋友整嘅端午糉，多謝Rossana同埋阿禮，我重未試！聽日試下先！
祝大家端午節快樂。

p.s Rossana隻史迪貓超可愛！希望下次可以再聊下佢下玩 XDDD

日風

0架仔著衫嘅潮流真係日日新款，年頭吹完白藍撞橫間嘅海員風，玲姐夏天又勁煲漸變style，但我自己真係唔太鍾意漸變style，襯得唔好真係好易變mk，所以我覺得漸變style日本係唔會點hit，睇下men's non-no 煲左兩期就收手就知咩野事 (XD)

0架仔花巧極都有簡單嘅一面，waistcoat + chinos 似乎變成0架仔最近既定番，waistcoat真係唔係瘦仔都唔好亂試，我自問肥爆一定唔敢著XD，shirt / 無地tee + chinos 就0岩晒我呢d懶人，唔洗姿姿整整就出得街，爽呀！

重慶

從未試過食印度人整既正宗ｃｕｒｒｙ，約左大半個月先約得齊腳去重慶食！我地千揀萬揀揀左間喺４樓，連蔡ｓａｎ都話正既ｗａｋａｓ　ｍｅｓｓ咖喱王（唔好睇個名好似好勁，基本上成間大廈間間野都話自己係咖喱王！！）真係唔係講笑，阿差哥既服務真係幾好又有禮貌，唔夠位坐咩？你唔洗叫佢佢都自動自覺同你拍埋張枱等你坐得闊落ｄ，冇水呀，即刻棟幾支bonaqua俾你！不過食物水準就冇蔡ｓａｎ講得咁好食，order既咖喱雞、咖喱牛好一般，有咖喱味而冇辣味。

熟我既人都知我唔食任何奶類同埋帶氈味既野，其中一樣就係羊肉！但奇在果日order左既一款做成肉腸形狀既羊肉卷，我一個人食左成條，因為呢個羊肉卷真係一d氈味都冇，我懷疑都唔知係唔係羊肉做 XD，不過最好食都係薄餅，原味薄餅、牛油薄餅同埋烤薄餅都非常好食，算係成晚最精彩。

P.S 大家去重慶食野喺大廈外邊千奇唔好接阿差哥D傳單，我果日就係接左「一張」傳單咁大把，惡夢就開始啦！我張傳單摺都未摺埋，前面已經有6,7個阿差哥湧去你前面塞傳單俾你，情況就好似一個人俾人強完咁混亂.... 當時我個表情除左滴汗同O咀，我無話可說......orz

Boris's Brithday

圓滿的生日飯，大家都盡興吧！

Gathering

阿斌要結婚了！
佢係我讀中二已經識既朋友，知道佢

華原朋美啪丸拍 AV

小室面臨入獄　舊愛一脫求生 華原朋美啪丸拍 AV
2009年04月28日

水着女星出身的華原朋美， 90年代憑着當時的男友小室哲哉為她監製的歌曲一炮而紅。不過兩人自 10年前分手後，華原朋美多次自殺不遂，精神崩潰的她，人氣更跌至谷底，她也曾推出半裸寫真，但未能挽回人氣。華原朋美早前更因無故玩失蹤，被合作多年的 事務所解僱，恍如在藝能界人間蒸發。不過，最近已有日本 AV界人士大手筆開出約 4億日圓（約 2,800萬港元）天價，積極游說華原演出「唯美版」 AV，由於片中只需露三點，不必與男對手打真軍演出，據說近年已冇工開的華原已點頭答應，欲以 AV處女影帶作為藝能界復出頭炮。

男友落嘴頭游說
據昨日日本一個爆料網站報道，一名從事日本 AV製作的行內人士爆料，華原朋美日前已完成 AV影帶的拍攝工作，該名爆料人士說：「華原朋美拍攝 AV非常順利，因為她當時服了藥。她本身就是很喜歡吃藥，那麼不就是很簡單便可以拍完嗎？」
爆料者更透露，華原朋美願意演出 AV的原因，除了是為了金錢之外，也是為了她的現任監製男友。該名爆料者續說：「華原首肯演出，也是因為她身旁的男友成功游說她，好像當年菅野美穗拍攝露 毛寫真集，攝影師當時正是她的男友，據悉華原拍攝 AV也是想益吓男友。」雖然有傳華原朋美的 AV處女影帶已經大功告成，但日本方面仍未正式公佈影帶的面世時間。
身為小室哲哉前女友的華原朋美，近年已多次傳出吃安眠藥成癮，去年 11月小室因涉金錢詐騙被捕，華原被發現披頭散髮在住所露台出現，不少人擔心她隨時精神崩潰。今年 1月她因急性藥物中毒送院治療，為了避開傳媒追訪，一度飛到菲律賓休養，日前有傳她被目擊已恢復健康返日，在東京江東區老家的錦戶町附近出現，華原由於擔 心被認出，她刻意戴上帽子和墨鏡，據悉她當時還與一名中年友人同行。
事實上，小室哲哉家族的成員近年命運坎坷，華原朋美也並非首位淪落至拍攝 AV的藝人。身為小室家族之一的前偶像組合「 L☆ IS」成員牧野田彩，便將會以 AYA之名，在下月 1日推出首部 AV作品《 First Impression AYA》，當中不乏真槍實彈的激情演出。陳敏之和譚凱琪（ Zoie）曾為小室哲哉的愛徒，對於師姐華原朋美淪落拍 AV，陳敏之昨日接受電話訪問說：「吓！我諗佢揀呢條路自己都諗清楚，拍 AV喺日本係普通事，為藝術犧牲都 OK嘅，不過我自己就唔接受。」 Zoie則說：「我跟小室時知華原朋美係師姐，佢已經好紅。拍 AV係佢自己嘅選擇，每個人有佢嘅路。」

華原朋美D歌其實都幾好聽， "I'm proud, Hate tell a lie & LOVE BRACE"嘅MP3都重依然save喺我部nano到，當年LOVE BRACE大賣250萬，佢都算係當年紅極一時的百萬天后，以為佢癲完一排，有個電波少女令佢翻身可以令佢事業有D轉機，可惜到依家始終都要走去拍AV， 好可惜.....

The world to change

食雞有H5N1，食魚有孔雀石綠，食牛有瘋牛症，食蛋又有假蛋，依家連豬都有豬流感...............
咁重有乜野係食得？

我唔想香港再有惡毒出現，當年SARS陰影未忘，日日戴口罩真係好辛苦，自己唯一可以做嘅，就只有做好個人衞生......

congratulations

識左16年嘅朋友終於結婚了，突然覺得自己又老左！
anyway，搵到另一半嘅最愛係好幸福嘅事，真係恭喜你地！

今年似乎好多人結婚，計埋今次，09年已經有2位朋友先後結婚，唔通今年係好年？

Pui

阿培再三叮囑我要補放佢張相上黎，相信呢一次能夠贖罪吧！

要講阿培的話，其實早在我數碼廣場最後一期的編者話已經講過，所以都唔再講了，只能講自己喺舊公司三年的確沒有做出成績，或者你曾經對我(工作上)有期望過(又或者冇)，不過呢一方面相信也令你失望透(可能吧)。
曾經喺4年前講過，就係你和阿妖喺我既時光上出現過最重要既人之一，呢一點呢一刻都冇變(by me)。

p.s 相入面我唔係面紅，而係我飲大左.........(2003.06.13 06:21am at MK)

Change

「你覺唔覺你變得沉默左？」

肥輝一語道破，我不得不承認我係改變左，喺公司，我係冇咩野想講，可能人夾人夾唔到，話題唔啱冇話題；朋友圈子，相熟的朋友自覺同我少左話題，有時會覺得，自己係唔太受人認同，自己就俾低自己分數，日子耐左就會唔太想分享，阿非曾經講過，我太需要人關懷，我唔否認，但亦因為咁，我就開始少搵人傾計，我唔想俾人覺得，少少事都要走去煩人搵人呻搵人傾，我選擇自己面對，選擇將所有事都收埋，我唔知咁樣對自己係唔係好事，但我好似冇得揀咁。

PUMA CALIFORNIA

真係好懷念讀DESIGN時腳踏PUMA CALIFORNIA既日子！

記得10年前最多男仔著嘅波鞋應該都係NIKE，什麼JORDEN、阿甘鞋，記得讀設計時真係好多人著！自問著NIKE真係唔及人好睇，著左都唔人夠man XDD，所以果時我幾鍾意著平底少少既鞋，特別係PUMA CALIFORNIA。

CALIFORNIA個鞋底厚薄啱啱好，加埋個熨金LABLE完全絕到爆，記得果時勁鍾意PUMA CALIFORNIA都係因為SPEED同埋廣末涼子，尤其係廣末喺PV度成對橙色CALIFORNIA飛出窗口真係超型 XDDD，CALIFORNIA就因為咁喺日本真係HIT過一排，近幾年，CALIFORNIA近乎冇生產，真係好想再買返一對懷舊一下，雖然依家PUMA不斷有唔同既跑鞋推出，但款都係唔及CALIFORNIA咁順眼，

SPEED最近翻煲PUMA！睇到都開心 XDD



↑廣末飛鞋落街既PV XDD，超經典

腸仔包

需時至少四小時，過程覆雜到爆，但又好好玩！麵包舖5蚊一個包原來真係唔叫貴，人工都去左大半！我知我知，個樣係就係樣衰左少少，但味道唔錯架！

平淡的專輯

一向喜歡陳奕迅的歌都是喜歡他一向夠玩味，多風格多創新，就算是pop都pop得很徹底，每張專輯都有一些像瑪利奧派對、人車誌又或是衝口而出這類很「陳奕迅才會做的作品」出現，所以每次他出碟也是令我期待，但，今次的H3M，坦白說有點小失望，整張作品沒有一首歌曲能令我有深刻的印象，我腦內只有一個想法「當一個歌手去到最頂點時，就會想有一些較平實的音樂想法出來」，亦只能說H3M不是我想要的東西，陳奕迅近年最平淡的一次。

大提琴下的哀樂

前晚去看了「禮儀師之奏鳴曲」，簡單說，它是我近5年內看過最好的日本電影，比起當年大熱的「在世界中心呼喚愛」、「藉著雨點說愛你」更令人感動。

「禮儀師之奏鳴曲」實在寫實到不行，也反映社會的悲涼，主角為了妻子日後的生活，即使是殯儀工作也要做，這些屬「厭惡」性質的工作，始終不被外界認同，即使是朋友及妻子也未必會了解，換轉是我，我也十分避忌，雖然我不至於歧視，但礙於傳統思想，也有點忌諱。聽說本木雅弘為了演活禮儀師的工作，真的跑去當實習禮儀師，若果是真的，也不得不佩服他的專業。
以前一直覺得本木雅弘演技猶如木像，但今次的演出真的令人改觀，因為實在想不到他可以成功演活了一個性格內歛、偶有怒火的角色，他為爸爸的遺體化妝那一幕，真的很令人動容。
至於廣末涼子，可能發揮不大，總覺得她演得較普通，反而飾演澡堂大嬸的山下小姐比廣末還要好。

戲中也有提及不少如自殺等的社會問題，坦白說，自己也曾有死的念頭，當覺得有一刻你認為世上沒有人再去理會你，變得灰暗時，死~就會在你腦內浮現，尋死的原因都是自私的，好像是為了留住別人的視 線這樣那樣，那當然，這些愚蠢的想法在我腦內一剎那就消失，尋死了不會解決問題，而是為後人增添更多問題，人始終要死一次，為什麼要自己去了結？正如林夕所言，「死亡遲早都找你，切勿憑自己」。

p.s 劇中的配樂非常出色，本木雅弘的大提琴樂章，至今仍在我腦內盤旋......

long time no see

我認我份人係好慢熱同唔鍾意應酬，所以中學同學所攪嘅飯局我都好少出席，因為唔想成棚人你一句我一句，好似應酬式咁出黎。

以前見得最多嘅三兩個老同，已經係阿斌、pearl、及ching man，今晚卻只有pearl及ching man，原來大家已經3~4年冇見過面，但，大家依然冇變。

無謂的專輯

LOVE!~THELAM LOVESONG COLLECTION~ 係環球為青山黛碼推出嘅情人節專輯，ALBUM裡面除左ONE WAY係冇擺落去之外，基本上已經收錄晒青山黛碼出道至今嘅SINGLE歌，咁樣等同一張BEST有咩野分別？DEBUT只係一年多，唱片公司咁快就同佢出呢隻咁嘅碟，對於一個新人黎講就等同自殺，環球係想力谷青山黛碼？定係想用佢僅餘嘅人氣去賺多一筆？咁做到頭黎只會累左歌手往後嘅發展，LOVE!~一碟果然一如所料，全面仆直，小弟只能在此祝青山黛碼日後星途好運......

不爽

有時真的不明白，為何要執著輸或贏，輸贏不緊要，最重要是那份和氣和精神，麻雀耍樂亦是，輸了不緊要，但有必要向我吐微言嗎？三番四次對我吐出無理的怨言和攻擊嗎？我覺得很委屈。

無味

朱古力布甸，即係心太軟，
第一次做味道唔錯，但唔落手做都會知道呢個Dessert係咁肥，
6隻雞旦半條66% dark chocolate同埋4茶匙糖，怕肥人士少吃為妙。
----------

最近買左好多書未睇同碟未聽，但冇真係冇咩心情去攪佢
----------

多得otto推介，我最近先至多左留意上地雄輔，
其實真係諗極到唔明上地0係日本點解會咁紅，
靚仔又未到果個level，唱功更加唔洗諗，himawari真係幾唔好聽，
人紅係唔需要有理由 ，正如ayu紅左咁多年我都唔知點解一樣 XD

NEXT LEVEL

來自ayu第10張ALBUM「NEXT LEVEL」的封面

黃色手套已經夠爆，有假指甲嘅黃色手套更加堪稱一絕，2009最爛封面不用投票ayu已能自動當選，恭喜恭喜！

UNIQLO ALL MADE IN JAPAN WASHED DENIM

日本嘅別注版，大多只會益自己友，喺香港買除左買水貨，就真係得個諗字，但冇諗過香港UNIQLO店都會發售呢條全日本製的WASHED DENIM，比人話祟日都講，日本製嘅牛比同場既中國製牛果然舒服得多！$499全日製，喺日本買條GAP嘅日版都唔得，買得過！

再炒

做左35年又點，咪一樣俾公司炒，重要係無良公司一句話經濟唔好要節省資源下既無辜犠牲者，做到野既人偏偏俾人兜，廢既人就一大堆留響度，冇野好講。

阿叔，希望你離開左「方向」會好快搵到一份好既工。

MY 2008

2008已經過去，選十件貼身自己的事真係好難，那當然唔包括唔開心嘅，不過一直唔知呢個BLOG有冇人睇，乜都唔理，寫左先算。



喺我最唔開心嘅時候，佢地俾我嘅support喺我呢一刻都唔會忘記，一直以來都覺得自己係被別人漠視的一群，是我低估了朋友對我的關心，i love them！


08年已經好想用初階機影自己嘅相，08年想買的念頭已經推到09年。


08年MEN'S NON NO 跟MILK狂推，知名度高企令HARE呢個日本牌子終於喺香港引入專門店，但係對我來講，價錢依然偏高，相對鞋款價錢較為化算。


睇漫畫一向都揀爆笑系埋手，貪佢好笑得嚟又減到壓，號稱笑爆咀嘅愛生事家庭都唔及爆粗BANK友嚟得白痴兼低能！一口氣睇晒六期完全唔夠喉！


鍾意安室時自己只係16歲，轉眼已經12年，近年來身邊嘅人個個都話安室已經唔紅，但今時今日佢地應該要自打咀巴！08年安室喺0日本女歌手成績完全威到盡，相隔6年的精選碟佔據日本ORICON 6星期冠軍，3個月賣出一百四十萬張，今時今日邊個可以？步姐？已經冇得留低！


shun嘅脫退其實一早已經對EXILE死心，聰明的avex trax喺一萬人之中選中TAKAHIRO，令EXILE起死回生，TAKAHIRO絕對係EXILE嘅再世華陀，EXILE嘅大紅唔多唔少都多得TAKAHIRO裙下一班死心下榻地嘅女fans，睇得又唱得，唔紅先奇！
(p.s 個人比較喜ATSUSHI嘅唱腔，可惜ATSUSHI嘅形象太重江湖味！)


每月都會好期待，MEN'S NON NO每月嘅主題都非常有趣，例如一星期同一件褸著足七日都最佳配襯、襯外要襯埋內，嚴選最佳underwear等，爆笑得嚟又非常實用。


cancel了日文課已經一年，而且經常被朋友取笑日文差，其實好唔甘心，09年會再報讀日文課程，希望不會懶吧！がんばでます


08年有度過了人生(暫時)最富貴的日本旅行，Hokkaido及Osaka，明年日圓應該繼續高企，要再到日本玩，應該要再等了.....


Tomorrow is another days。