EXILE PERFECT YEAR 2008

有錢，你想捧邊個都可以，點石成金呢種能力相信只有avex先可以做到，上至倖田來未下至EXILE，avex計過度過幫EXILE推上皇椅，終於幫EXILE拿下年度唱片大賞，PERFECT YEAR 2008真係唔係得個講字，唱片大賞完美地為EXILE的08年劃上句號。

感覺重生

對中島美嘉總係有一種奇怪感覺，佢嘅歌又唔係唔好聽，只不過唔會特別點聽，就好似佢每次出album一樣，次次都話唔買唔買但最後都係買左返屋企，情況有d似睇電視明明唔睇都要開住咁，play住mika嘅碟，往往好難留住你嘅耳仔細心聆聽。
出到第五張大碟，本黎冇咩大期望，預左都係慘情ballad同埋classic味重嘅歌做主菜，但，今次呢一張，的確有少少令我驚喜！舊年大hit嘅"LIFE"做全大碟的overture的確令人好醒神，"Sakura花霞"嘅DAISHI DANCE VER編曲又真係好rhythm！編曲做得好唔錯！"my gentleman"好有"rocking house"影子，非常鍾意mika唱呢一類歌！重有"i don't know"及"shut up"，rock得絕對有紋有路，同森三中三人娘絕對唔係玩玩下！"orion""confusuon"聲"都係一貫大路ballad，不過不失，不得不提mika算係日本歌手裡面唱英文歌算係唱得幾好嘅一位！sony有興趣也不妨幫mika出返隻英文album咁攻美國市場~~XD

感覺比上張的"YES"來得討好，亦睇得出mika，似要為未來下一張album的改變，行前了一大步。

Beautiful Life

偶爾放鬆心情去看世界，原來是那麼可愛的；假若自己一個揹背囊去旅行，也是不錯的事。

傾訴

自問自己是一位好的聆聽者，朋友有事找我傾，我也會耐心聆聽，但我有事時可以找誰？我答不到。

沒太多人願意聽，也沒太多朋友會認同自己的立場，也可能掉轉頭來取笑自己一番
把事情收藏在心內是我現在唯一能為自己做的事情。

人身攻擊

坦白說，朋友間說笑，甚至開玩笑沒有問題，但不要涉及人生攻擊，一些疑似說笑的對話夾雜著人生攻擊的成份，sorry，我受不了，更何況是好朋友？我只是沒有把不滿放在臉上，不代表我不介意！

比著早兩年，我早已拍檯走人，不是我EQ高了，而是我不想把這個場合的氣氛弄僵了。

AMURO WEB CITY

好多朋友都知道我鍾意安室，但就可能未必個個都知道我曾經有一個安室網頁叫"AMURO WEB CITY" (個網名睇返都覺得幾老土XD) AMURO WEB CITY當年我覺得係成功的！最盛時期有超過11萬人瀏覽，料齊，有video dl，image出色，呢d都係當年好多人對呢個網既評價，不過講勁都唔夠sharon！sharon曾經亦有過一個amuro web site叫"just amuro"，"just amuro"威水到俾電腦廣場登埋做介紹！佩服佩服！XD
要整一個網站唔難，但要維繫就唔容易，AMURO WEB CITY 2001年開站，經過兩次短暫性關閉.最終也在2004年尾正式劃上句號。

HOKKAIDO ~ OTARU ~ FURANO

有點大地在我腳下的感覺，furano的景色相當迷人

BEST FICTION

身邊既人，同事，朋友都成日講「安室已經唔紅,乜安室重有唱歌既咩？」
其實自己也算是一個DIE HARD FANS ，聽到這些批評總覺得有點那個..

BEST FICTION，係安室6年黎首張精選，我自己覺得，呢一張係安室自PUT EM UP開始以黎最完整既一個紀錄，
由DANCE BEAT 時代走進R&B音樂世界，安室銳意改變，松任谷由實也能成為新音樂女王，誰說安室不可以？
60萬的首周銷量的確實令人非常振奮，期待ORICON 的年間NO.1會是你的名字吧!

K PLAY

i LOVE this photo, i LOVE them :)

congratulations

其實自己冇咩心情，基本上好多野暫時都唔想理。

不過尋日收到一位朋友0係MSN的留言，佢話出年1月結婚了！
果一刻真係好登佢開心，佢終於都同佢女朋友結婚了(雖然好似有D急左D)
佢也有邀我到時出席，那當然啦，你結婚wo! 雖然我係一個唔多幸福的人，
但朋友得到幸福，我也很開心的


wing & joey 祝福你地~

我‧不好愛

一直都好想睇梁祖堯既劇，今次走唔甩了，新劇"我不好愛"演員好吸引！
有梁祖堯，同埋今年劇后彭秀慧，不過都係果句，果到飛先算啦...



08 愛情劇《我不好愛》

"Why did you treat me so badly ? "
"Question is, why did you allow me? "

故事講述一對剛拍拖三個月的情侶 ANN (彭秀慧飾) 與 PATRICK (湯駿業飾) ，正在家中享受二人世界的時候，突然聽到廚房傳來一聲巨響；原來是ANN 的前度男友 DAVE (梁祖堯飾) 破窗入屋。DAVE 不單發現 ANN 已經換掉所有門窗的鎖；甚至不知道在什麼時候，自己已經成為「前度男友」！

三人都「以為」自己勇敢面對現實，「以為」成熟地解決眼前的錯誤，「以為」各人坦誠相愛，「以為」藉著傷害對方可以讓自己認清一段感情。我們「以為」周遭的人，總會「以為」我這樣！「以為」對方很愛自己！

主演: 梁祖堯，湯駿業，彭秀慧

香港文化中心劇場
2008 年 7月 18 日至 20 日（星期五至日）晚上 8 時
2008 年 7 月 19 日至 20 日（星期六至日）下午 3 時
$180, 120
門票將於6月初在各大城市電腦售票處發售

戲劇顧問 : 林立三
導演及翻譯：梁祖堯
製作經理：張向明
燈光設計：楊子欣
舞台設計：邵偉敏
服裝設計：吳達生
執行舞台監督：李藍施
監製：湯駿業、鄧耀銘
節目宣傳及海報造型：李樂怡
海報化妝：HODY CHENG
海報攝影：傑仔
海報設計：KENT FOK
www.windmillgrasstheatre.com

Exhibition

其實屋企收到ploy畢業展既invitation card好耐，只係一直抽唔到時間去，但有時間去時又偏偏落大雨，趁今個星期日較為好天時就去左睇睇，一黎自己真係好耐冇去睇exhibition，第二個目的就係去捧otto的場了！其實一直都覺得poly一班讀design既學生水準亦都高其他學院好多，有突出亦有concept，水準每一年都平均，至少部份水準一般的作品亦唔會令你覺得不堪入目，現在讀設計的人真的有heart好多！otto，good job！
夜晚約左阿非fion食飯，未夠鐘就自己一個搵地方hea，一個人去左pageone睇書同埋pacific coffee飲野，其實自己好鍾意pacific coffee，以前真係可以同朋友0係呢度hea足3個鍾，最鍾意就係坐佢地既咕順，可惜依家冇晒呢d咕順坐，而且發覺pacific coffee真係越黎越多講野超大聲既師奶幫襯，真係想一腳伸佢地出去 = =。

----------------------------------------------------------------------------------------------------

真係希望對方答應你做既事，真係切切實實做到，我收過太多空頭支票，但冇一張能夠兌現。

心灰

一直以來，朋友一直在我生命中佔了相當重的位置，我不渴求自己是朋友千萬不愁寂寞的人，3幾個知心的已難能可貴。
可能我以為我自己將全個心放在朋友身上，別人也會感覺到你的好，也會毫不猶豫的也交出整個心給你，我這種想法，已在不久前之前被很多人一一打碎。

自己的心事跟人分享，別人也許會當你的說話很煩；朋友有困難時，自己盡力去幫他，在最糟的時期毫不猶豫一分一毫也傾出了，到了現在，你得到什麼？只有冷淡的對待；想將自己的真說話淡化大家的誤會，卻被別人說自己只是說了長篇而無關痛癢的說話.....

現在，或許已沒有人會記起我，也沒有人對我虛寒問暖，這種感覺慢慢會變成習慣，每天也想著同一種景象，每個晚上也走在同一條街上，也是不想令自己讓自己忘記所有。

我不知道自己在說什麼，也許不會有人明白我說什麼，我只想發洩一下而已，難過的..是我找不到對象去發洩，也只好將情緒從文字中紓發出來......

舊患

好幾年前，因為工作關係，不小心的弄傷了右腳韌帶，當年醫生說是"韌帶撕裂"，但以前因為恃著自己年紀輕輕，傷口沒再痛就沒有再理會它。

昨晚乘小巴返家，當自己下車的時候，右腳可能用錯了力，又再不小心地弄傷了舊患，感覺就像一個橡膠被鈕了45度似的，很痛...痛得雙腳未落地就差點仆了在石壆，唯有死撐的一拐一拐的找地方坐下，左手一面按著自己的腳，一邊望四周有沒有人可幫幫忙，事實是四周都沒有人的....

涼風在晚上吹著，突然覺得自己很可憐....，可能身邊很久沒有人陪伴著自己，感覺有點悲涼..

幻像

最近經常夢見死亡...
乘車時總會望著高樓大廈的頂層，幻覺自己由高處墮下..
工作時又不斷有幻覺來自殘自己，什麼界刀，原子筆狠狠的插爆自己的雙眼，
很真實，不像幻覺，很可怕...很害怕這感覺真實化
是新聞喧染嗎？是壓力嗎？是埋怨嗎？又或是缺少了愛？

希望要過去的總會過去..大家不要為我擔心

Mandy's Lastday on XXXX

雞公煲

前日阿火約左小弟一齊食飯，同埋佢嘅女朋友winnie，一齊去左呢間位於旺角(又係MK?)嘅"雞公煲"食重慶菜(未食過)，其實呢間野味道唔差，重慶菜都係偏辣，所以Order少辣都ok辣，不過佢嘅蝦煲同川椒雞都ok油(膩)，可能我依家唔太喜歡食太油膩嘅野，所以見到有D咁多油都夾唔落手，不過味道唔差嘅，下次有機會，都想(希望)同其他朋友嚟試吓。

食飯前去左ANIMATE一口氣買左三本雜誌，好耐都未試過咁痴線，又令我諗返起以前中學時期果鍾瘋狂，(_._)

Do you know What I'm doing ?

我們不會太膠了吧 XD

為什麼？

「我可是做得出的。」這說話又再次令我失望，為什麼要讓我再次聽到呢？我的信心剛剛才回來，現又再次被這說話壓回地獄，為什麼？

你真係不知所謂!

一個莊嚴既追思會，大家都只有一個目的，就係懷念肥姐，各個嘉賓致掉詞，感動得令人動容，惟獨係你一個上台---鄧光榮，好好地一個追思會，你憑咩地位去追討人地家事！你究竟識唔識得大體兩個字，人地有冇照顧個女同有冇對個女負責關你屁事，呢個係追思會唔係追究會，要指責要追究請私下搵當事人解決，唔該唔好攪串party，咁樣做實在相當唔尊重場合，相當唔尊重肥姐，睇下聽日報紙一出，啲人會唔會圍插你！



鄧光榮台上要求秋官交代 (明報) 03月 02日 星期日 08:30PM

在沈殿霞 的追思會上，鄧光榮公開要求沈的前夫鄭少秋 上台交代，多年來是否有理會肥姐和欣宜 。

鄧光榮在台上質疑，為何欣宜有父親如無父親，要求鄭少秋上台交代，台下有部分人拍掌。

鄭少秋與欣宜一同上台表示，作為一個父親，當然會給予愛，盡量做好做因親的本分。多年來未能好好照顧欣宜，是因為肥姐將欣宜送到加拿大 ，而他就要為口奔馳。

他又指出，在聖誕節和新年前後，他經常致電欣宜予以安慰、表示 支持。他當時曾約欣宜見面，但欣宜因為想多陪母親，未有外出。他亦曾提出探望沈殿霞，但因為欣宜認為，母親每次有人探望時都會勉強支持，過後反而會更辛 苦，因此他最後未有往探望。他又承諾，今後會更好的照顧欣宜。

鄭少秋發言時，場會內不時有人叫囂。

欣宜亦作出回應，指今日的追思會是為紀念她的母親，不希望讓一些是非，影響到追思會。她又對父親說，一切報道令人對他有誤會，但家人自己知道知相就算了，台下馬下掌聲雷動。

Cat姐，2年不見

自從2005年11月去完大阪到依家，足足有2年冇見過cat姐，呢2年msn同電話同甚少，尋日終於大家再約返出黎見，哇，成2年啦喎，真係耐到唔講得笑，咁當然，cat姐冇變，依然係咁靚女咁豪爽，難得佢記得俾返2年前大阪啲相我，但我呢？就真係好唔好意思，我儲相既DVD真係唔知放左去邊，咁唯有下次搵到先再燒返俾你。

睇返啲相，先知咁就過左2年，2年前呢個trip，真係非常開心，包括人同地方都係，此情景，很難再出現...

祝你順風

朋友搵工新工作！咁我祝你去新公司順順利利啦~

希望你去到新公司唔好再拾下拾下啦！你真係要努力d先得！XDD

加油啦你~!

恭喜發財

2008年2月6日 星期三


年年都會收到阿媽俾既壓歲錢，但今年收到壓歲錢利是封封套竟然係林峰同埋廖碧兒 XDD

野口同學 posed @ 上午 10:20

Lonely Christmas

2007年12月1日 星期六



一直都很喜歡christmas，但是今年的christmas，真係唔想佢咁快黎到，日子越近，心情就好複雜，可能，今年christmas，就只係得返我自己一個......

以前，好鍾意將唔如意或者唔開心既野，sms俾一,兩個朋友"腎"，但...依家真係唔會，一來唔想人地覺得我煩，2來覺得沒有人會有共鳴，很複雜...

野口同學 posed @ 2007年12月1日 星期六 上午 10:17

9月的記事

1月7日 星期三



0係呢份工做左咁耐，未試過同一班同事食食飯，影影相，9月阿will lastday果一日，我地全team同事去左尖沙咀食日本菜歡送阿will，而且影左暫時唯一一張大合照 :p

野口同學 posed @ 2007年11月7日 星期三

再起動！

重新計劃我的未來！

不要讓關心我的人失望！yup yup！

野口同學 posed @ 2007/9